掃呢頁CODE去手機

2016年6月30日 星期四

昔日電波少女外殼冇波動 四張梁雪湄考潛水牌做魔鬼教練 [壹週刊 - 1373] __,梁雪湄,M1,

五官零變動,冇執過,加埋強勢上圍,就算著起包到冚嘅潛水衣都擋唔住逼爆感。娛樂偵訊昔日電波少女外殼冇波動 四張梁雪湄考潛水牌做魔鬼教練𡃁模、咪神未誕生前,98年大台炮製吸睛的電波少女,其中元祖級G奶梁雪湄憑暴乳身材跑出,對撼當時的巨咪麥家琪。在幕前消失多年,梁雪湄真係堅•潛水。近日上水蒲頭,近四張的她不但防腐力強,五官完全冇變動,36G奶亦依舊澎湃,著住潛水衣,幾經辛苦先拉埋拉鏈。即將考潛水教練牌, ...


五官零變動,冇執過,加埋強勢上圍,就算著起包到冚嘅潛水衣都擋唔住逼爆感。

娛樂偵訊

昔日電波少女外殼冇波動 四張梁雪湄考潛水牌做魔鬼教練

𡃁模、咪神未誕生前, 98年大台炮製吸睛的電波少女,其中元祖級 G奶梁雪湄憑暴乳身材跑出,對撼當時的巨咪麥家琪。

在幕前消失多年,梁雪湄真係堅•潛水。近日上水蒲頭,近四張的她不但防腐力強,五官完全冇變動, 36G奶亦依舊澎湃,著住潛水衣,幾經辛苦先拉埋拉鏈。

即將考潛水教練牌, G奶梁雪湄名副其實魔鬼教練,學員未落水,先興奮!

轉做美容飲食

○九年離開大台,一一年甩埋亞視的梁雪湄,自此轉營從商,在尖沙咀開美容院,直至近年,做埋飲食,藝人集資開的上環華星冰室及華星客棧,她也是股東之一。不愁經濟的她,三年前發展興趣學潛水,前後考了六個牌,由最基本只能潛到十八米的初階開放水域潛水員,到今日考到徒手潛水,下一步,是向教練牌進發。

「我都有拍吓嘢嘅,其實冇離開過娛樂圈,只係冇拍劇啫!學潛水初時係諗住玩吓,但依家好想將呢個興趣轉為事業,所以向住教練呢個方向發展。」梁雪湄說。

2016年

素顏

2001年

入行時有翻版黎姿之稱嘅佢,條 24吋纖腰仲 keep到。除咗做生意,近月飛來飛去嘅梁雪湄,做埋旅遊 Blogger。

事隔 18年,佢個樣證明防腐力強之餘, G奶身材依然屹立不倒。

當年電波少女,梁雪湄係最快彈出的一個。

怕水學潛水

但一心要做魔鬼教練的梁雪湄,原來好怕水。「有次喺馬爾代夫玩浮潛,一玩就愛上咗,決定返香港學埋潛水;但其實我係好怕水,掂唔到地扶唔到池邊,我都唔敢游,所以考到牌係我好大突破。記得第一次出海,其實係淺灘,水深唔過我個頭,但阿 Sir要我踎低潛落水,當時好驚,驚到嗰晚就想放棄。

「但交咗幾千蚊學費,同埋怕會俾人笑,所以就鼓起勇氣繼續去學。就係咁,慢慢克服,依家實在太愛潛水。」

將懼水嘅梁雪湄教到可以考潛水教練牌,功勞真係要歸呢位 Kevin Sir。

近年佢經常孖埋同學仔去澳洲、印尼等地方潛水,迷上海底世界。

當日著潛水衣最大障礙,梗係逼爆上圍時候。

三年考咗六個牌,梁雪湄今年會考埋潛水教練牌。

拖帶當拖奶

挑戰自我,在克服怕水的過程中,有苦有樂;梁雪湄更被有超過廿年潛水教練經驗的 Kevin Sir踢爆,是他學生中最多蝦碌一個。

「我係個唔專心聽書嘅人,成日發緊夢咁!有次上堂阿 Sir話要扯起副鏡,因為海水會刺眼,我就聽咗瀨眼,於是問佢潛水點解要瀨眼,成班同學笑到趴喺度。另有次阿 Sir講解咩叫疲乏潛水員拖帶,我竟然聽錯係拖奶,好驚一陣落水唔知扯我咩位置,所以又問阿 Sir拖咩奶?我就係咁多呢啲蝦碌嘢!」梁雪湄說。

拍過爛片

在大台日子,除做電波少女,梁雪湄較為人深刻的劇集有《棟篤神探》及《陀槍師姐》。電影作品一隻手數晒五部,可惜全是爛片,其中有《魔鬼教師》及《呢個乜嘢場》。

幾十磅重嘅潛水裝備,梁雪湄話起初佢直頭孭唔起,舉步維艱。

做生意的梁雪湄亦有投資華星冰室。

去年被影到與中年男友在圓方拍拖。

波波去那兒

昔日電波少女八條 Queen,已經嫁人或收山嘅,都有;亦由當年行性感,變成今日虔誠基督徒,生活與過去在娛圈兩個世界。

任港秀 教會執事

39歲的任港秀,當年因與已故富商羅兆輝外遊巴黎,幫對方治療大毒瘡而惹上禍,回港後被無綫解約。行性感的她未幾退出娛圈,近年成為基督徒,在佐敦一間教會任執事。

姚樂怡 變人母

42歲的姚樂怡,是電波少女最活躍分子,在大台的日子,多被安排演邪牌、二奶角色。之後淡出幕前轉做經理人, 12年嫁圈外男友,去年誕下女兒 Gaibe。

李思蓓 開泰式按摩店

現年 38歲,當年做完電波少女再為世界盃宣傳做「世界妹」。離開大台後曾投阿叻旗下公司,在王晶多套電影客串。開美容院及泰式按摩店的她,近年主力返內地拍劇。

汪琳 做闊太

38的汪琳,曾跟趙薇舊愛富二代葉茂青拍拖。 08年下嫁商人張忠弦, 11年誕下女兒 Kesha,從此過少奶奶生活。

翟佩雲 曾遭禁錮

電波女中唔起眼一個,在娛圈撈唔起,之後轉做美容。她曾自爆在娛圈日子遭電影大哥禁錮,警惕新人入行要小心。 14年結婚,伴娘是教友李亞男。

梁佩盈 最早退出

是 98年落選港姐,演出過《真情》「津津」一角, 04年下嫁雜誌總編後退出娛圈,現年 41歲的她有個九歲兒子。

雷穎怡 冇乜聲氣

冇電冇波的她,是 95年藝訓班學生,同期有湯盈盈及滕麗名等。離開大台後,雷穎怡做過楊寶玲助手和公關,近年拍吓網上節目,冇定向!

撰文、攝影、攝錄:娛樂組


鍾意就快D Share啦!