網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月16日 星期四

20萬生活費傾唔掂 江希文帶女走避胡漢清 [壹週刊 - 1371] __,江希文,胡漢清,M1,

同胡漢清分手,江希文要每月廿萬生活費,更死守在胡家沙宣道大宅唔肯搬。娛樂偵訊20萬生活費傾唔掂 江希文帶女走避胡漢清江希文(原名江欣慈)同舊愛資深大律師胡漢清的「江胡」恩怨拖拉至今,仍未了斷,雙方就女兒Natalie撫養權及生活費,法庭解決。據傳江希文要求胡漢清每月付二十萬給兩母女做生活費,對方認為金額不合理,堅持唔肯俾,拉鋸超過一年,依然傾唔掂數。為此,目前江希文與女兒仍然住在胡漢清沙宣道大宅, ...


同胡漢清分手,江希文要每月廿萬生活費,更死守在胡家沙宣道大宅唔肯搬。

娛樂偵訊

20萬生活費傾唔掂 江希文帶女走避胡漢清

江希文(原名江欣慈)同舊愛資深大律師胡漢清的「江胡」恩怨拖拉至今,仍未了斷,雙方就女兒 Natalie撫養權及生活費,法庭解決。

據傳江希文要求胡漢清每月付二十萬給兩母女做生活費,對方認為金額不合理,堅持唔肯俾,拉鋸超過一年,依然傾唔掂數。

為此,目前江希文與女兒仍然住在胡漢清沙宣道大宅,唔搬!直到對方答應支付生活費,在同一屋簷下,撞口撞面有爭拗難免,唔想影響囡囡成長,江希文惟有經常帶 Natalie返外家,有時就算深夜,都走去公園避靜。

同一屋簷下

同胡漢清分手後,江希文入稟法院追討女兒生活費,事件擾攘超過一年,至今仍未解決,江希文以自己冇經濟能力作理據,堅持繼續住在男方位於沙宣道的大宅。

據知,二人雖然住埋同一間屋,但大部分時間雙方只會用 email及短訊來往,偶然撞口撞面,為免讓小朋友見到父母嘈交,對女兒成長造成傷害,好多時候,江希文都會帶 Natalie離開屋企避風頭。

有晚九點幾,江希文帶住個女離開胡家大宅,揸車到淺水灣公園「抖氣」,雖然已屆小朋友瞓覺時間,但紮住辮仔、個樣似足媽咪的 Natalie,在公園周圍走,周圍爬,好生猛。

胡漢清同江希文仍住埋一齊,但他們多數以電郵溝通。

兩歲的 Natalie同媽咪餅印一樣,而且成日扎扎跳,冇時停!

早前江希文帶囡囡到淺水灣公園放電,見到囡囡四圍走好精靈,江希文愁爆冇反應。

灰爆姊妹花

囡囡精靈得意,但江希文就一臉愁容,全程揸住部電話係咁篤,就算 Natalie撩她玩,亦冇厘反應。放風接近一個鐘,兩母女才離開。

除了夜媽媽避去公園外,亦經常返娘家。日前,江希文湊埋個女去迪士尼酒店 high tea,同行還有江希文父母及家姐江欣燕,其間兩姊妹行埋一邊傾心事,兩個都是經歷婚姻失敗的同路人,一邊傾一邊扯煙,畫面灰爆。

江希文相約港台 DJ李志剛晚飯,其間江希文不停向對方訴苦水。

江希文同胡漢清都曾經恩愛過。

外家過夜

在迪士尼逗留到晚上七時左右,一行人返回兩老位於汀九的寓所,到晚上十一時,仍未見江希文離開,兩母女當晚留在外家過夜。

上週一(六月六日),江希文又約了港台 DJ李志剛到淺水灣食晚飯,搵機會離開大宅抖氣,席上全程由江希文講,李志剛負責聽,而 Natalie就周圍走,自己同自己玩。

見到囡囡個開心樣,江希文終於笑番。

日前,江希文同江欣燕帶囡囡去迪士尼酒店 high tea,兩姊妹邊傾心事邊扯煙,灰爆!

去完迪士尼,江希文揸車返位於汀九外家留宿,乘機抖抖氣。

連日來,江希文出入都神不守舍,冇厘神氣。

「江胡」恩怨

43歲的江希文同 63歲資深大律師胡漢清 12年撻着,唔夠半年就宣布奉女成婚,不過「婚姻」維持唔夠兩年就玩完,自此,雙方不時隔空互罵,並為爭撫養權對簿公堂。

同奶奶不和

13年 3月,胡漢清的母親莊永楚向傳媒訴苦,指兒子霸佔她的物業資產及現金逾二千萬,又被江希文禁止踏入胡家位於沙宣道大宅,胡母曾公開說:「當我冇生仔過!」之後,江希文連發 13條微博炮轟奶奶,指對方不顧親情只往錢看,更駁斥奶奶捏造事實,屈辱她人格。

無名無分

13年 5月,江希文在英國產女,同時亦被踢爆與胡漢清只擺了酒,並沒有正式註冊。

分手

15年 1月,胡漢清親證同江希文分手,有指二人因相處問題,經常吵大鑊,分手後江希文仍唔肯搬離男方大宅。

疑被毆打

分手後不久,有江希文被毆打後求醫的相片流出,清晰見到其腹部位置有半呎瘀傷,更有指她長期被身邊人粗口辱罵,精神受虐。

各執一詞

事後胡漢清反擊,指 14年 9月 13日,被江希文以餐刀刀柄鋤向腰部,胡將江希文推開時,才令她撞傷腹部,兩人各執一詞。

粗口錄音曝光

之後又有一段兩分鐘的電話錄音流出,當中有一把男聲不斷掃射式粗口:「劈×死你!」之後出現淋水聲和江希文痛苦聲音。

爭撫養權

15年 3月,二人為爭囡囡撫養權及生活費問題對簿公堂,至今仍未解決。

撰文、攝影、攝錄:娛樂組


鍾意就快D Share啦!