逢男人都妒忌，女人都不齒的洗米華，佢女友Mandy Lieu就快生得。呢輪洗米華成日飛來香港，唔單止為女嘅。近年澳門打貪，仲被降低信用評級，不過洗米華已經將資產轉來香港，今年仲係香港樓市股市，愈掃愈多！佢2014年搞左本雜誌《領先》，而今年年頭封面仲係洗米華專訪，塑造成功商人形象。篇訪問仲話坊間好多人讚佢似維珍航空老闆布蘭森，佢亦好有同感！根據港交所的披露權益，洗米華目前揸住6隻港股。除了旗艦太陽世紀(1383) 及太陽國際資源(8029)，仲有捷豐家居用品(776)、友川集團(1323)、金滿堂(8312)及皇冠環球集團(727)。粗略計算，手持股票市值近17億元！其中，金滿堂同友川集團，仲係今年3月及５月，先開始見佢啲腳毛。呢幾個月佢仲係香港狂掃物業。佢買過貝沙灣同天璽；今年3月，聯同枝盲公竹、「磁帶大王」陳秉志，以8800萬元買入將軍澳慧安商場1樓舖位，放緊1.5億。佢地仲曾經用6億元，買入上環信德中心3樓，翻新成「澳門廣場」，而家商場出租率為85%至90%，「吉鋪所餘無幾」，每月租金收入將達500萬元。不過洗米華都有係咁意俾其中一、兩個鋪位，俾分咗手嘅洗米嫂搞飲食。不過壹仔左睇右睇，都見唔到以上的物業有落洗米嫂或仔女的名。咁佢地點算呀？自力更生囉！撰文：財經組
來源 source: http://hk.apple.nextmedia.com
|
鍾意就快D Share啦！
|
|
|
