現年25歲的陳偉琪（Vicky）憑神級36E上圍獲封新一代「無綫咪神」，成功上位之餘，亦為她帶來不少煩惱，自爆經常被網民於平台寫下露骨留言滋擾的她，又不時收到陌生男子「肉照」，最過份竟有人要求其胸部特寫。有過五次拍拖經驗的Vicky，擇偶條件只有一個：「男仔孝順就令我融化。」
曾封「巨咪妍希」
華姐出身嘅陳偉琪充滿夏日氣息，加上索爆身材與樣子甜美，被公認為陽光新世代索女，完全配合《東網巨星》全新一輯「《東網Baby》之索女玩曬」嘅條件，仲成為頭炮登場。Vicky參加選美初期因貌似台灣女神陳妍希，已獲傳媒形容為「巨咪妍希」，能夠以巨胸來比喻上圍一定不是尋常英文字母，擁有36E神級上圍的她，輕易「進身」無綫新咪神之列。
要求胸部特寫
Vicky坦言好身材亦為其帶來不少煩惱，她自爆曾被網民於網上平台寫下露骨留言滋擾，更不時收到陌生男子「肉照」，甚至試過被人索取「特寫」：「好多人IG留言話我身材勁，又Inbox傳啲肉色嘅相畀我，我唔會下載而會刪除張相，仲試過有人狂問我攞胸同腳嘅相。」
八級豎琴加鋼琴
然而性格樂觀嘅Vicky選擇大方面對，仲多謝對方睇到佢嘅優點：「我係個好冇戒心嘅人，通常會先假定對方係好人。（遇到露骨留言或要求會點？）唔去理會。佢咁講即係睇到我有優點，算係讚美！不過都希望大家睇多啲我內涵，我識八級豎琴同鋼琴，希望日後有機會發揮。」
拍過五次拖 堅拒急色男
有過五次拍拖經驗的Vicky目前單身，更公開招孝順男做男友：「我期待戀情出現，我睇男仔最鍾意睇佢點樣對自己媽咪，最緊要孝順。佢對媽媽好就睇到佢第日識唔識照顧我。男仔一孝順就令我融化喇！」自覺對男人有足夠判斷力的她，更表明對「急色男」一定Say No：「有啲男仔只為身材而親近我，嗰啲男仔好快畀我過濾咗！」
|
鍾意就快D Share啦！
|
|
|
