李施嬅同胡蓓蔚噚晚出席「胡說八道會」成員之一嘅胡杏兒婚紗公司活動。啱啱先俾人傳同蔡思貝因爭戲份不和嘅李施嬅，之後仲有報道話佢約埋好姊妹，出嚟傾點對付蔡思貝，所以今晚現身，自然成為焦點。(新聞連結：http://bit.ly/1tgiO0I )李施嬅做訪問嗰陣，「雙胡」亦有默契咁企喺側邊，幫口又幫手，幫好姊妹解圍。而有備而嚟嘅李施嬅，第一句就解答記者，話前幾日同幾位姊妹食tea，只係大家出嚟聚一聚咁啫。「報道係誇張咗，話我哋專登約埋，密謀對付蔡思貝。其實實情係老友食飯！」問李施嬅食tea嗰陣有冇同姊妹講是非，胡杏兒即時滅火話：「冇講是非，有講男人囉！」李施嬅繼續講：「係呀，食飯都係傾閒偈，因為好耐冇見，我哋冇講是非，我都冇搶主角做！」記者即糾正佢「係你俾人搶主角呀！」李即傻笑話：「咁我從來冇話過做主角，覺得佢(蔡思貝)作為新人，應該要多啲俾人認識嘅機會，我出道嗰陣都有好多機會，劇接劇咁！」呢個時侯，胡杏兒再幫口話：「我成日都話佢，掛住享受人生，俾人覺得佢唔夠努力工作囉！」而胡蓓蔚亦接力話：「係佢又唔夠aggressive(野心)！」俾姊妹chur完一輪，李施嬅似乎都認同佢哋說話，就講：「咁我都係鍾意享受人生嘅，每個人都有自己喜好，不過我都試吓努力工作，要向杏兒學習，佢好多方面都好出色！」遊咗一輪花園，還原基本步，再講蔡思貝，李施嬅就loop完再loop話：「其實我同佢合作嘅戲份唔多，不過大家一齊都拍得好開心，合作愉快嘅！」至於同無綫嘅合約，佢就答：「仲有一段時間，應該仲有兩年幾！」
| 攝影：陳慧安 |  除咗主人家胡杏兒着得好靚好靚，撐場嘅李施嬅同胡蓓蔚都着得好靚好靚。 |  李施嬅話keep fit有少少成績，所以今晚就騷少少咁 |
 好黑… |  非常黑…… |  留前鬥後！ |
|
鍾意就快D Share啦！
|
|
|
