掃呢頁CODE去手機

2016年6月4日 星期六

【召喚猷亨】陳瀅谷胸行騷想搞海外婚禮 __,陳瀅,猷亨,

陳瀅力谷上圍,仲換咗成8套婚紗行騷!與賭王四房長子何猷亨蜜運中的「宅男女神」陳瀅,出席第83屆香港結婚節暨夏日婚紗展《愛在仲夏盛放時》華麗婚紗FashionShow。擔任模特兒的她谷胸換上八套不同類型的婚紗行騷,盡現甜美笑容及性感美,她還於台上向大家送飛吻,冧暈現場粉絲!她表示早前曾拍攝婚紗代言廣告,今次是第二次行婚紗騷,又笑言因戴上皇冠的關係,覺得自己很有香港小姐感覺。主張簡約主義問到喜歡哪類型 ...


陳瀅力谷上圍,仲換咗成8套婚紗行騷!

與賭王四房長子何猷亨蜜運中的「宅男女神」陳瀅,出席第83屆香港結婚節暨夏日婚紗展《愛在仲夏盛放時》華麗婚紗Fashion Show。擔任模特兒的她谷胸換上八套不同類型的婚紗行騷,盡現甜美笑容及性感美,她還於台上向大家送飛吻,冧暈現場粉絲!她表示早前曾拍攝婚紗代言廣告,今次是第二次行婚紗騷,又笑言因戴上皇冠的關係,覺得自己很有香港小姐感覺。

主張簡約主義

問到喜歡哪類型的婚紗?她說:「我鍾意簡單易着,唔好太多泡泡,好難行,因為經驗教訓,試過咁多婚紗,覺得真係舒服最好,到當我結婚嗰日,如果有得結嘅話,就簡單為主。(有冇憧憬過婚禮?)細個成日幻想好想似迪士尼啲公主咁,但大個咗可能想簡單啲,我覺得我係會有個destination wedding(海外婚禮),咁嘅時候,真係好錫你好真心嘅人,就會專登去買機票同請假去,如果唔太friend嘅,就會話唔得閒,destination wedding係試驗到邊啲朋友好想睇到我結婚。(想喺邊個地點搞?)唔好太熱,唔好太凍嘅地方。(你結婚應該係世紀婚禮!)點會呀,話明destination wedding,即係要自己買機票、自己請假、自己去㗎喇。(你得,可能未來老公唔得呢!)咁就唔知啦,到時先算啦。」

諗過廿歲頭結婚

她又謂現時跟男友均以工作為主,暫時未有結婚計劃:「我哋兩個工作都比較忙。(冇提起過?)都冇刻意去提。(會唔會私下同姊妹傾第時婚禮點搞?)又冇喎,因為身邊啲朋友都未訂婚,好single,當一個二個開始結婚,就會諗係咪差唔多自己都要諗,但自己啲朋友仲係單身,所以未有呢個壓力。(有冇諗過想幾歲前結婚?)以前細個有諗過20歲頭,但依家已經過咗嗰個年齡啦,好sad。」

私下祝賀猷君

問到為何不跟男友一起飛往美國波士頓出席何猷君於麻省理工大學的畢業典禮?她說:「我要做嘢,要開劇。(有冇叫你去?)唔講私人嘢。(私下祝賀猷君?)我會。(已打畀佢?傳訊息?)未喎,陣間會。」又謂最近忙於拍攝無綫劇集,笑言日日都對住張振朗。


來源 source: http://hk.on.cc
鍾意就快D Share啦!