網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月29日 星期三

樂基兒:名人:樂基兒真空賣衫 百五蚊有交易

有冇睇啱邊件靚貨先?已另覓新歡嘅名模樂基兒(Gaile),衣着有taste就係人都知,見佢每次出席活動都總會扮到靚一靚,家中一定收藏咗唔少靚衫靚首飾啦。不過近日佢被發現密密將自己嘅二手服飾放上網賣,當中包括曾經着過出活動嘅靚裙、名牌首飾、手袋同靚鞋,而且標價更加係非常吸引,最平嘅靚裙去到二十蚊美金(即係約155港元)有交易,而最貴,都只不過係千二蚊美金(即係約9,300港元)。仲要Gaile出品有 ...


有冇睇啱邊件靚貨先?

已另覓新歡嘅名模樂基兒(Gaile),衣着有taste就係人都知,見佢每次出席活動都總會扮到靚一靚,家中一定收藏咗唔少靚衫靚首飾啦。

不過近日佢被發現密密將自己嘅二手服飾放上網賣,當中包括曾經着過出活動嘅靚裙、名牌首飾、手袋同靚鞋,而且標價更加係非常吸引,最平嘅靚裙去到二十蚊美金(即係約155港元)有交易,而最貴,都只不過係千二蚊美金(即係約9,300港元)。仲要Gaile出品有信心保證,又平又抵買,唔怪得有一半嘅二手服飾已經賣出,真係手快有,手慢冇!

有平衫買固然吸引,Gaile仲要親身上陣sell貨,張張靚衫佢都着上身,影個索爆效果圖出嚟,仲要部分性感靚裙疑似真空上陣,嘩,Gaile嘅粉絲,係時候去掃貨不過就有網友話Gaile大手清貨,唔知會唔會係怕新男友嬲豬,所以連以前同前夫黎明買落嘅定情服飾都賣埋喎。


來源 source: http://hk.on.cc
鍾意就快D Share啦!