九龍灣時昌迷你倉四級大火，燒足108小時，大火在上周六深夜撲滅，消防員已平安回家，大火熄咗之後……演藝界先出動過百藝人歌手錄歌向香港消防員致敬，話想將鼓勵嘅信訊傳畀前線消防員（新聞連結：http://bit.ly/291RbTZ），仲呼籲市民自拍照喺fb打tag，相片就有機會剪輯入《真的英雄》MV入面，但係呢片苦心，似乎得佢哋明白，唔少網民認為佢哋抽水兼搞大龍鳳……今晚《真》完整版MV會喺網上播出(新聞連結；http://bit.ly/2905CI8)。連日被網民引起網民大罵，不過森美噚日喺節目《早霸王》護演藝界，反撃網民，話致敬係冇分先後、多少、快慢，又話批評嘅網民係「道德警察」，覺得啱嘅嘢唔講得係白色恐怖(新聞連結：http://bit.ly/28Z67lp)。黃秋生今日為舞台劇《仲夏夜之夢》發佈會，秋生接受訪問時，問佢有冇留意演藝界向消防致敬，被網民批評抽水，佢就話：「咩都有人講，最好捐埋錢，佢哋捐得起，佢哋都係有心嘅，不過有能力可以做得更好。」講到佢冇影致敬相，佢話：「我當然冇啦，我用自己嘅方法去致敬，呢幾日睇我facebook就知，我都發(相關內容)咗兩日，我有一個朋友係殉職消防嘅同袍，我自己做咗啲咩，唔會打鑼打鼓咁老土。佢哋係英雄，而香港就有好多英雄。」Lady Gaga日前著透視裝見達賴喇嘛，中宣部下令封殺，唔畀去內地市場，秋生就話：「我都唔知佢有冇入到中國市場，我唔清楚囉，而且佢啲歌我都唔聽，就算Madonna我都唔聽喇!」佢又講笑指，自己又唔著透視裝，冇咁好人，唔會好似佢哋咁講博愛：「我冇呢樣嘢㗎，我又殘忍，又暴戾。」
|
鍾意就快D Share啦！
|
|
|
