網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月25日 星期六

名人:猷君約會被撞破 新歡嚇到冇臉見人 __,猷君,

食飯食到咁肉緊,見到記者又咁驚,唔通呢段戀情啱啱先萌芽?賭王四房兒子何猷君靚仔兼讀書叻叻,身邊向來不乏女伴,去年更與新加坡富家女林慧俐(Kimmy)愛得高調。不過,猷君同Kimmy呢段戀情早已經係過去式,日前猷君相約混血新歡於意大利餐廳飲紅酒兼摸手仔,被記者撞破後,猷君獨自離開,再搵司機接載新女,而新歡更嚇到以衫包頭。新歡乃混血兒不久前於波士頓麻省理工大學畢業的何猷君,用三年時間便完成四年課程,被 ...


食飯食到咁肉緊,見到記者又咁驚,唔通呢段戀情啱啱先萌芽?

賭王四房兒子何猷君靚仔兼讀書叻叻,身邊向來不乏女伴,去年更與新加坡富家女林慧俐(Kimmy)愛得高調。不過,猷君同Kimmy呢段戀情早已經係過去式,日前猷君相約混血新歡於意大利餐廳飲紅酒兼摸手仔,被記者撞破後,猷君獨自離開,再搵司機接載新女,而新歡更嚇到以衫包頭。

新歡乃混血兒

不久前於波士頓麻省理工大學畢業的何猷君,用三年時間便完成四年課程,被喻為人生勝利組的他,除了學業叻,愛情運亦相當強勁。去年猷君撻着新加坡富二代Kimmy,兩人愛得高調,經常相約往世界各地旅遊兼拍拖;不過,隨着早前Kimmy往韓國做模特兒,表示要將戀情低調後,兩人似乎愈行愈遠,之前猷君畢業更不見Kimmy現身。原來兩人早已悄悄分手,猷君更已有混血靚女新歡登場。

大坑歎意大利餐

前晚8時多,猷君與長髮兼樣貌標緻的新歡現身大坑歎意大利餐,席上兩人相對而坐,邊飲紅酒邊談心,情到濃時,猷君更深情地捉住女友手仔傾唔停,而新歡則不時甜笑。食至晚上10時多,猷君和新歡並肩步出;只見數杯落肚的猷君飲到面紅紅;記者上前拍照時,兩人即時愕一愕然,更火速折返餐廳,直至15分鐘後猷君獨自步出。被問到:「女友呢?」他即笑笑口說:「走咗」隨即登上七人車,意圖幫女友引開記者。

直駛猷君豪宅

未幾記者見四太名下的房車駛至,不久混血女友即尷尬地由餐廳職員陪同步出,面對閃光燈更驚到以衫包頭,匆匆上車後便直駛猷君香島道豪宅。


來源 source: http://hk.on.cc
鍾意就快D Share啦!