智孝話自己年紀都唔細，都希望搵番個伴。
韓國女星宋智孝身穿短裙於香港亮相眼鏡品牌活動，店舖外面早早擠滿了過百圍觀者，爲親睹女神智孝風采，場面墟冚！智孝更即席以廣東話跟大家打招呼：「你好，我是宋智孝！」可是期間卻要人提示，她續笑說：「我寫低咗，但唔好意思，我唔記得咗。」
訪問前，大會早已規定只可問三條問題，問到經常以素顏示人的智孝，選擇太陽眼鏡有甚麼條件時，她說：「其實太陽眼鏡係喺冇化妝同眼腫嘅時候戴，多數朝早戴，除咗留意設計款式外，都會留意番實用性。（作為「全能女神」嘅你，會否有興趣設計太陽眼鏡？）全能女神呢個稱號太過獎，我唔係樣樣都叻，但會盡力去做，如果有機會都想嘗試去設計大家鍾意嘅款式。」問到下半年的事業期望，智孝說：「非常努力過每一日，冇留意已經過咗半年，會努力過埋下半年，希望有更多作品，多方面接觸粉絲。」
問及最近忙甚麼工作？智孝說：「除了拍《Running Man》，都有留意唔同作品，希望可出多啲event，見多啲粉絲。（會否再接像與陳柏霖合作的真人騷？）只要係新嘗試，我都願意去嘗試。（同陳柏霖仲有聯絡？）有，拍完間中會聯絡，之前去上海都有見面同問好。」對於擇偶條件，她笑指最近發覺自己年紀已有番咁上下，並說：「希望可搵個體貼、Man啲嘅男人，可以擁抱得大力啲。（Gary？）哈哈！」
來源 source: http://hk.on.cc
|
鍾意就快D Share啦！
|
|
|