掃呢頁CODE去手機

2016年6月3日 星期五

專案網組:搜查線:神秘旅程短片瘋傳 男方揭部署內情 __,

Kimmy到達機場並見到行李箱及機票時,先感驚呆,之後大為感動流淚。(fbKaTsunTsui短片截圖)拍拖周年重要日子,男方通常為女方做點值得懷念的事情,讓大家留個回憶。一對小情侶為紀念拍拖2周年,男方偷偷暗訂機票及為女方申請入台證,再騙女友到機場,然後拿出行李箱及機票,指紀念日的節目是前往台灣旅行4日。女方對男友突如其來的舉動,先驚呆後不相信,繼而感動得眼淚湧出。有關短片在網上熱傳,有人指男方 ...


Kimmy到達機場並見到行李箱及機票時,先感驚呆,之後大為感動流淚。(fb Ka Tsun Tsui 短片截圖)

拍拖周年重要日子,男方通常為女方做點值得懷念的事情,讓大家留個回憶。一對小情侶為紀念拍拖2周年,男方偷偷暗訂機票及為女方申請入台證,再騙女友到機場,然後拿出行李箱及機票,指紀念日的節目是前往台灣旅行4日。女方對男友突如其來的舉動,先驚呆後不相信,繼而感動得眼淚湧出。有關短片在網上熱傳,有人指男方具心思,有網友則指短片造假。東網找到正與女友在台灣旅遊的男方,他接受訪問時,揭出這個拍拖紀念日計劃詳情。

有關短片昨日(1號)早上於男方Winson的facebook個人戶口發佈,片中他拿起手機拍攝,站在客貨車車尾,地上則有一個行李箱,身穿黑衫短褲的女方見到行李箱感到奇怪,「去邊呀?」男方指着車尾的一個膠File,女方打開後見到是自己的機票及旅行證件,更感驚呆,「吓?去邊呀?真係架?」男方回應:「篋都執埋啦。」女方更感奇怪:「真定假架,我都無執嘢?」男方稱:「執晒啦,你尋晚啲衫咪執晒囉。」女方震驚,「吓,你講真架?」然後大為感動,先眼泛淚光,再喜極而泣。

但女方仍不相信這個事實,「但係你唔係輸咗7000蚊咩?」男方忍不住苦笑,然後用手輕拍女方額頭:「你仲講呢啲嘢?」短片到此完結。兩人之後就起程前往台灣,紀念拍拖2周年的重要日子。

影片在網上熱傳,只今瀏覽量接近70萬。男方Winson接受東網訪問時表示,對短片被人瘋狂轉發,感到意外。Winson表示,今次計劃前往台灣旅行,其實十分即興,本周一(5月30號)才決定,於是找朋友幫手,用信用卡訂機票、申請入台證,又問朋友借行李箱及預訂當地酒店。

前期功夫做好後,臨門一腳最為重要。Winson就預先作了一個故仔,叫女朋友Kimmy請足4日長假:「本應2號(今日)係拍拖2周年正日,由於女朋友返Part time,所以請假係無難度。而佢本身已經請咗(6月)1號、2號、3號3日假期,我再慢慢構思,作一個故事,指親戚結婚要請埋4號去飲,所以成個故事係好完美。」

但要女朋友無故前往機場,應有一定困難吧?Winson稱,「因為我係揸客貨車,我早一晚通知女朋友,會第2日早上去機場幫個客人搬嘢,所以去到佢完全無戒心。去到機場,女朋友都唔知我會同佢去旅行,直至我叫佢落車去食嘢嗰一刻,叫佢嚟車尾先知道。」至於執行李只執基本衣物,他說:「執咗基本幾件衫褲,最重要的化妝袋,我用咗個藉口,指做完嘢之後去玩,影下貼紙相等等,叫佢拎埋去,所以唔會執漏嘢。」

至於片末女朋友指他早前輸掉7000港元,似是埋怨為何還有錢去旅行,他解釋:「7千蚊呢,就真係前嗰晚輸咗畀馬會,本應諗住All in(瞓身)買一場足球,贏咗就諗住可以豪玩。」他向東網出示馬會的投注紀錄,顯示他投注星期一的瑞典對斯洛文尼亞足球賽事,落注7000港元瑞典勝,結果雙方未有入球,就此輸掉7000港元。

短片熱傳外,卻惹來部分網友葡萄,有網友指短片造假,又質疑女方如何請假。Winson表示,指香港太多負能量,「眼見好多朋友傳嚟某群或者某人討論我哋造假,點點點,真係望到都無癮。」


來源 source: http://hk.on.cc
鍾意就快D Share啦!