掃呢頁CODE去手機

2016年6月4日 星期六

網民熱話:網民幻想破滅?孫慧雪變烏歪「乾物女」 __,孫慧雪,

孫慧雪喺《純熟意外》化身烏歪「乾物女」!由吳啟華及蔡思貝等人主演嘅無綫新劇《純熟意外》最近播出,劇情夠晒緊湊刺激,隨即成為全城熱話,當中女主角蔡思貝被激讚演技特飛猛進,獲得一致好評,而羅鈞滿日前瞓身演出,慘遭劇中女友當眾摑七巴,亦獲讚表現專業。而喺尋晚嗰集,一眾網友嘅焦點就放咗喺「宅男女神」孫慧雪(阿雪)度,雖然佢出場時間唔算多,但依然搶盡風頭,點解嘅?整臭蔡思貝屋企廁所向來深受網友歡迎嘅阿雪,憑 ...


孫慧雪喺《純熟意外》化身烏歪「乾物女」!

由吳啟華及蔡思貝等人主演嘅無綫新劇《純熟意外》最近播出,劇情夠晒緊湊刺激,隨即成為全城熱話,當中女主角蔡思貝被激讚演技特飛猛進,獲得一致好評,而羅鈞滿日前瞓身演出,慘遭劇中女友當眾摑七巴,亦獲讚表現專業。而喺尋晚嗰集,一眾網友嘅焦點就放咗喺「宅男女神」孫慧雪(阿雪)度,雖然佢出場時間唔算多,但依然搶盡風頭,點解嘅?

整臭蔡思貝屋企廁所

向來深受網友歡迎嘅阿雪,憑住一副可愛童顏、33B好身材,加上性格平易近人,演技及歌喉亦不俗,有外表又有內涵,簡直係完美嘅女神典範!不過,阿雪竟然打破自己個女神形象,劇中化身「乾物女」,即係出街執到正一正,但喺屋企就不修邊幅,素顏加眼鏡,加上一頭亂髮,即時Watt數大減!此外,劇情仲講到阿雪因為肚痛,整臭蔡思貝屋企個廁所,咁大反差又難怪唔係個個網友都接受到。

女僕Look被讚

唔少網友睇完話幻想破滅,仲話:「原來女神係要去廁所」、「原來女神唔係時時刻刻都咁省鏡」,不過正所謂「女神都要抖吓氣」,私底下冇咁光鮮亮麗都正常,連阿雪都喺網上留言話:「我平時都係咁架!」睇嚟佢今次係「本色」演出。亦有網友識得欣賞阿雪呢一面,仲話阿雪素顏都好Pure好得意,咁先夠晒Girlfriendable!

劇中仲有一個亮點,就係阿雪扮宅男至愛嘅女僕,短裙加魚網黑絲上陣,大騷其招牌長腿,唔單止性感誘人,仲引起網友好多遐想,可惜全身鏡頭一閃即逝,難怪網友強烈要求影多啲全身,等佢哋可以回味阿雪呢個性感女僕Look!

網民有話兒:

kenXXXgl:我就是想要這種女朋友,不用每分每秒都裝漂亮,有時不加修飾也很可愛。

李X杰:雪雪素顏都咁正!

XXXXIMAN:接受唔到囉,原來女神都係要痾(屙)屎嫁...

AVAXXXTONG:家居Look係幻滅咗D(啲),但幾清純幾得意,好彩之後有靚樣同長腿睇補數。

NelsoXXX:女僕裝雪雪好索,影多D(啲)全身就好


來源 source: http://hk.on.cc
鍾意就快D Share啦!