掃呢頁CODE去手機

2016年6月26日 星期日

洪永城:洪永城認定係終身伴侶 詩詠笑晒:隨緣 __,洪永城,

做咩冇夾定口供呀?定係洪永城唔小心爆咗料?藝人洪永城(Tony)與唐詩詠以情侶檔出席商場活動,期間二人不時打情罵俏,玩遊戲時詩詠更向男友餵食,Tony又與詩詠玩雙人跳繩及送玫瑰花,Tony亦出盡口術,大讚女友認路一流,不時搖控教路,詩詠謂:「係你先有咋,都唔明你點解唔睇地圖!」Tony即謂:「我想聽吓你把聲嘛!」冧得詩詠一味甜笑。Tony氹女叻到爆事後Tony笑指今次是攞正牌公開打情罵俏,情侶檔上 ...


做咩冇夾定口供呀?定係洪永城唔小心爆咗料?

藝人洪永城(Tony)與唐詩詠以情侶檔出席商場活動,期間二人不時打情罵俏,玩遊戲時詩詠更向男友餵食,Tony又與詩詠玩雙人跳繩及送玫瑰花,Tony亦出盡口術,大讚女友認路一流,不時搖控教路,詩詠謂:「係你先有咋,都唔明你點解唔睇地圖!」Tony即謂:「我想聽吓你把聲嘛!」冧得詩詠一味甜笑。

Tony氹女叻到爆

事後Tony笑指今次是攞正牌公開打情罵俏,情侶檔上陣酬勞亦是開心價,問到平日可有送花給詩詠?Tony謂:「一定會,特別節日同生日都會送。(好叻氹女仔?)我有歡樂畀身邊人。」被取笑氹女技巧過多,詩詠即出言幫拖:「唔緊要,佢啱做呢行,透過節目帶歡樂畀大家,我幫你(Tony)兜咗㗎!」

順其自然等結婚生仔?

談到麥玲玲批詩詠今年有結婚運,明年有生仔運,對此詩詠笑謂:「太快啦,我冇呢個計劃(未準備好?)好遙遠。」Tony卻坦承有半計劃狀態:「我地一齊之後嘅計劃都有,但未好詳盡,有咩會公布畀大家知!順其自然,總之依家舒服,各方面都舒適就ok!」

再次澄清

對於被指與舊愛Bird舊情復熾,問到現時是否與詩詠雨過天青?Tony再次澄清與Bird一直是好朋友,兩人從未拍過拖,更揚言已認定詩詠為終身伴侶,詩詠則笑言一切隨緣。


來源 source: http://hk.on.cc
鍾意就快D Share啦!