網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月25日 星期六

猷君認戀情 攬混血新歡狂啜 纏綿逛超市 __,猷君,

賭王何鴻燊四房孻仔何猷君去年底同新加坡富家女林慧俐(Kimmy)撻着,一對小戀人雖分隔兩地,猷君喺美國讀書,而Kimmy就喺新加坡做模特兒工作,但佢哋都抽時間去西班牙、巴黎拍拖,真係見少一陣都唔得。之不過近月已傳二人戀情告急,猷君月頭喺美國波士頓麻省大學畢業,成家人有去觀禮,都唔見有Kimmy份,只見Kimmy近月喺ig狂po佢去韓國、泰國等地嘅開工相。《蘋果》今日獨家直擊佢拖混血新女玩足成個晏晝 ...




其他影片:>>






賭王何鴻燊四房孻仔何猷君去年底同新加坡富家女林慧俐(Kimmy)撻着,一對小戀人雖分隔兩地,猷君喺美國讀書,而Kimmy就喺新加坡做模特兒工作,但佢哋都抽時間去西班牙、巴黎拍拖,真係見少一陣都唔得。之不過近月已傳二人戀情告急,猷君月頭喺美國波士頓麻省大學畢業,成家人有去觀禮,都唔見有Kimmy份,只見Kimmy近月喺ig狂po佢去韓國、泰國等地嘅開工相。《蘋果》今日獨家直擊佢拖混血新女玩足成個晏晝,原來猷君已有新戀情,大概3點幾,猷君同新女就喺大坑中華遊樂會出嚟,佢哋都一身運動裝束,猷君著白色波衫,新女便紮一條長馬尾,身穿間條背心及短運動褲,背後露出白色bra帶,見新女樣子清秀美麗,擁有豐滿上圍、加纖瘦長腿,身形十分fit,二人似啱啱做完運動。以外型嚟睇,混血馬尾女質素非常高,絕對同「數學天才」相當襯。二人齊上七人車去壽臣山村嘅超市,超市入面得幾個顧客,猷君同混血馬尾女更加free,好似兩小無猜拍拖買零食。入到超市,猷君全程扮鬼馬表情o氹女,馬尾女專注揀零食薯片,揀好即遞畀尾隨嘅猷君,猷君亦好樂意幫手,推車仔接過零食。現場所見,猷君同馬尾女應該處於熱戀,無視旁人,二人不時傻笑,而猷君都好進取,出招攬完女友纖腰,隔一陣又錫面珠、頸同咀仔,而馬尾女亦好接受。二人買幾包薯片,就兜足超市幾個圈磨時間,似乎好享受小情人獨處時間。二人喺超市hea咗20分鐘,就到收銀處畀錢走人,畀錢期間,猷君又把握時間又錫咗馬尾女面珠一啖,真係相當sweet,之後猷君畀完錢,就拎住兩大袋零食上七人車,二人返歸,繼續二人世界。《蘋果》就打畀猷君問佢感情狀況時,佢以短訊直認與新加坡富家女Kimmy已分手:「因為工作原因,差不多兩個月了,因為一個在韓國,一個在美國距離大了。」問到佢新戀情,佢表示:「剛發展,好女仔,私人問題不回答那麼多啦,要尊重女生。」

採訪、攝影:畢紹基、徐錦池 猷君同女友一齊拍拖行超市… 二人成程有商有量,睇吓買啲咩!
情到濃時,猷君即主動輕吻混血新歡嘅頸。 又攬到對方實一實… 仲喺超市玩餐飽,認真夠晒sweet!
猷君亦喪啜女友! 買好晒嘢,就一齊返屋企。

鍾意就快D Share啦!


Related Posts Plugin for WordPress, Blogger...