掃呢頁CODE去手機

2016年6月2日 星期四

Chilam 520開工 靚靚突擊搞驚喜 [壹週刊 - 1369] __,Chilam,袁詠儀,靚靚,張智霖,M1,

正在內地拍新戲的Chilam,520抽時間返香港拍廣告,招牌蛋撻頭加西裝,好chok呀!娛樂偵訊Chilam520開工 靚靚突擊搞驚喜老夫老妻的張智霖(Chilam)同袁詠儀(靚靚),去年袋三千萬人仔,夫妻檔參加內地真人騷《一路上有你》,今年再接第二季,食過翻尋味。最近埋位拍電影《京城81號2》的Chilam,要長駐寧波開工三個月,「520我愛你」當日,Chilam請假離組返香港拍廣告,靚靚做「跟 ...


正在內地拍新戲的 Chilam, 520抽時間返香港拍廣告,招牌蛋撻頭加西裝,好 chok呀!

娛樂偵訊

Chilam 520開工 靚靚突擊搞驚喜

老夫老妻的張智霖( Chilam)同袁詠儀(靚靚),去年袋三千萬人仔,夫妻檔參加內地真人騷《一路上有你》,今年再接第二季,食過翻尋味。

最近埋位拍電影《京城 81號 2》的 Chilam,要長駐寧波開工三個月,「 520我愛你」當日, Chilam請假離組返香港拍廣告,靚靚做「跟得夫人」,帶埋囝囝,突擊踩場, surprise!

翻尋味

於最近播出的一集第二季《一路上有你》中,靚靚要求老公:「要我死了你才能死!我不想看見心愛的人離開。」 Chilam聽完谷住泡眼淚說:「我盡力而為!」

網民睇完,個個話催淚,成功賺過百萬點擊。

人前人後一樣咁恩愛!踏正 520凌晨十二點,仍身在寧波的 Chilam校啱時間,發短訊給老婆:「 Happy 520!」,第二朝一早,靚靚已急不及侍,將短訊放上微博晒命。

當日下午, Chilam由寧波飛返香港,一落機,便直接趕到數碼港拍廣告。

西裝加招牌蛋撻頭的 Chilam,一 roll機便「 Cool魔」上身,單手插袋 chok住擺 pose。

拍拍吓,靚靚帶埋魔童突擊探班,俾個 surprise老公。

魔童多手搞暖水壺,即刻俾靚靚阻止。



Chilam埋位,靚靚悶到不停篤手機都唔願返歸。

Cool過老豆

行行企企,話咁快就拍完幾個 shot,當行返化妝間休息時,靚靚同囝囝張慕童突然出現; Chilam一見到寶貝仔,即又攬又摸,點知魔童顧住打機, cool過老豆!眨吓眼九歲的魔童,更愈大愈似媽咪。

至於買埋外賣前來萬歲探班,慰勞工作人員的靚靚,一直唔願走, Chilam埋位,她就匿在化妝間篤電話,直至晚上十一點,魔童嗌眼瞓,兩母子先離開。

早前 Chilam在廣州開騷,臨時拉埋靚靚上台,手拖手唱情歌, sweet到爆!

Chilam同靚靚夫妻檔參演真人騷《一路上有你》,兩公婆瘋狂放閃,睇到班網友話好催淚。

520當日,靚靚一早就在微博上載 Chilam傳給她的短訊。

撰文、攝影、攝錄:娛樂組


鍾意就快D Share啦!