掃呢頁CODE去手機

2016年6月9日 星期四

三人世界  Lam仔林德信食埋女友個 friend [壹週刊 - 1370] __,Lam仔,林德信,M1,

偷會小三被大胸妹電暈的Lam仔,邊行邊摸住女方秀髮。娛頭三人世界 Lam仔林德信食埋女友個friend食女當食菜的Lam仔林德信,去年被松岡李那狠飛後,唔使三個月,已經撻着創作歌手Aga(江海迦),仲好好胃口,連正印個大胸friend都嗒埋,食得唔好嘥。日前,林德信又搵朋友做掩護,同大胸妹到淺水灣開餐,只見大胸妹大晒心口,一副戰鬥格;食飽二人去行沙灘,黑漆漆環境下,Lam仔開始由膊頭掃到背,有所動 ...


偷會小三

被大胸妹電暈的 Lam仔,邊行邊摸住女方秀髮。

娛頭

三人世界  Lam仔林德信食埋女友個 friend

食女當食菜的 Lam仔林德信,去年被松岡李那狠飛後,唔使三個月,已經撻着創作歌手 Aga(江海迦),仲好好胃口,連正印個大胸 friend都嗒埋,食得唔好嘥。

日前,林德信又搵朋友做掩護,同大胸妹到淺水灣開餐,只見大胸妹大晒心口,一副戰鬥格;食飽二人去行沙灘,黑漆漆環境下, Lam仔開始由膊頭掃到背,有所動作。大胸妹亦俾晒反應,主動攬腰。

熱身一輪, Lam仔便帶住大胸妹,返回西環寓所,再戰下場。

搭上師妹

三十一歲的 Lam仔林德信,出道以來身邊女伴車輪轉,溝女戰績比老豆林子祥過之而無不及。

不過,當玩家遇上同樣爛玩的日模松岡李那,雙方半斤八兩,去年松岡玩厭 Lam仔決定換人。

冇咗一棵樹,還有大片森林。分手唔夠三個月, Lam仔已秘密撻着同屬環球唱片的新人江海

迦 Aga。

「 Alex(林德信)知 Aga一向對自己有 feel,新歌 MV又專登搵佢做男主角,所以 Alex之前都成日借啲意約 Aga出去,搵對方嚟攝時間。舊年俾松岡飛咗, Alex心情唔好,就當 Aga係止痛藥,之後仲真撻着!」知情者說。

大胸妹有反應,主動伸手攬腰。

偷約大胸妹, Lam仔搵班 friend做掩護。

一班人先在餐廳醫肚, Lam仔同大胸妹打對面坐。

揸車逐一送走朋友後, Lam仔先同大胸妹返西環寓所。

行去攞車,沿途二人雞啄唔斷。

坐低對住個海傾偈, Lam仔點埋煙俾大胸妹扯。

細粒但好肉

為方便出外「搵食」,加上兩人是同門關係,林德信和 Aga拍拖,大多數會搵朋友掩護,但亦因此造就他連 Aga的好姊妹,都嗒埋。

「佢哋成日一班人出嚟,俾 Alex有機會發現新大陸。其實佢不嬲溝女都貪就手, Aga呢個朋友雖然生得細細粒,但後生得嚟上圍仲好有料,啱晒 Alex口型。

「第一次見,佢已經抄晒牌,第二日就偷偷約人出街,真係冇走雞!有朋友知道睇唔過眼同 Aga講,但佢俾 Alex食住,根本唔信其他人講嘢!」

同日模松岡李那拍拖三年,去年底, Lam仔被女方狠飛。

陪正印

坐正冇耐的 Aga,勢估唔到,身邊會有家賊。

同場扮唔熟

有日 Lam仔與 Aga約埋朋友,到數碼港公園玩滑板,雖然全程黐住 Aga,但經常溝女斷正的他,在公眾地方戒備心一百!玩緊滑板仍不時兩頭望。

神奇是被偷嗒的 Aga好姊妹,當日亦有在場,三人世界!不過,有正印在旁,大胸妹一直與 Lam仔保持距離,就算 Lam仔不停演嘢展示身手,大胸妹都冇厘反應,相當好戲。

Lam仔和大胸妹刻意扮唔熟,就算偶然行近,但傾唔夠兩句就行開,之後大胸妹更加走先。

散餐離場後, Lam仔就更加專心一意陪正印,又拎住手機做攝影師,幫女友影相,冧到 Aga笑晒。

男友陪到實,冧爆 Aga笑晒!

冧女有一手的 Lam仔,自動自覺攞手機幫女友影相。

正印(左一)在場,大胸妹(箭嘴)同 Lam仔扮唔熟。

Lam仔與 Aga不時離隊,孖住玩滑板。

返屋企過夜

可惜, Aga並非廿四小時 CCTV。早前 Lam仔又搵埋三個朋友,約大胸妹到淺水灣開餐;兩人面對面坐,不時相視而笑,望住著 deep V衫晒巨胸的二廠, Lam仔暈陀陀。

食完十一點,一行人決定行沙灘。其間 Lam仔點了支煙遞給大胸妹,之後自己再點一支,兩人邊扯邊傾,幾個朋友刻意跟後慢行,十分識做。

行行吓,大胸妹突然主動伸手攬住 Lam仔條腰, Lam仔亦唔客氣,搭膊掃背玩頭髮,做齊!

經過一輪沙灘調情,兩人決定嗌走, Lam仔揸車先逐一送友人,最後,與大胸妹一齊返回西環屋企過夜。

Lam仔同 Aga拍拖,瞞住公司,但女方卻不時在 IG晒甜蜜合照!

冷靜講小三

對於同 Lam仔拍拖, Aga笑晒說:「邊個講㗎!一路都係好朋友! Alex好好人!上次拍 MV,要潛落水底,好彩有佢!(會進一步超越好朋友關係?)我哋已超越好朋友關係!」

當看到男友約會自己的死黨大胸妹時, Aga仍然冷靜。「佢係我哋大家嘅朋友!係朋友啫!」 Aga說。

上月同 Aga拍拖睇黎明演唱會。

68歲阿 Lam去年被揭有紅顏知己阮麗嘉, Lam仔也盡得真傳!

男友偷食, Aga強裝鎮定:「係我哋好朋友嚟!」

情聖

雖然生得唔高,但好多港女都覺得 Lam仔林德信靚仔!多年來,身邊女伴一個接一個,花弗程度,更勝爹哋林子祥。

吳雨霏

11年, Kary新歌《我本人》搵林德信做 MV男主角,二人一撻即着,其後 Kary更上 Lam仔位於中環唐樓寓所過夜斷正。

酒吧辣妹

12年除夕夜,林德信在寓所附近酒吧夜蒲倒數,搭上長髮酒吧妹,二人在街頭談心,好快便傾掂數,返男方屋企直落。

翻版郭晶晶

12年,在老豆林子祥寓所附近接了一名貌似郭晶晶的女子後,二人一齊行超市,跟住再返阿 Lam屋企一齊玩煮飯仔。

王秀琳

12年,孖住王秀琳夜蒲,其後 Mango做司機,轉場去消夜,其間二人態度親暱,旁若無人。

松岡李那

12年,搭上 33C「蜜桃胸」日模松岡李那,二人在中環夜店又攬又錫,並孖住去睇 BigBang演唱會, Lam仔更經常到女方香閨過夜,情侶關係明顯。

姜麗文

歎完日模,林德信又睇中秦沛女姜麗文,二人於銅鑼灣拍拖行街撐枱腳被斷正,但好快就不了了之。

撰文、攝影、攝錄:娛樂組


鍾意就快D Share啦!