網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月27日 星期一

【 撞破戀情黑面速逃】大台棒打鴛鴦不成 張秀文無視公司照同前經理人拍拖 __,張秀文,TVB,大台,

34D新晉咪神張秀文,喺舊年12月被傳與當時嘅經理人Victor秘密搭上,仲話佢哋喺九龍城啲劏房同居,成功被私有化,不過事後佢哋齊齊否認呢件事;點知到咗今年4月,又傳佢哋搬咗去日出康城同居。不過紙又點樣包得住火,仲要係愛火呢?張秀文前日下晝單拖喺銅鑼灣行街,雖然佢戴住cap帽、素顏,但係佢身上嗰件白色緊身tee同嗰條超短熱褲,真係好養眼。佢一個人百無了賴咁行咗去咗萬寧買藥,跟住再去咗零食店。不過當 ...




其他影片:>>






34D新晉咪神張秀文,喺舊年12月被傳與當時嘅經理人Victor秘密搭上,仲話佢哋喺九龍城啲劏房同居,成功被私有化,不過事後佢哋齊齊否認呢件事;點知到咗今年4月,又傳佢哋搬咗去日出康城同居。不過紙又點樣包得住火,仲要係愛火呢?張秀文前日下晝單拖喺銅鑼灣行街,雖然佢戴住cap帽、素顏,但係佢身上嗰件白色緊身tee同嗰條超短熱褲,真係好養眼。佢一個人百無了賴咁行咗去咗萬寧買藥,跟住再去咗零食店。不過當時佢一隻手係揸住電話,另一隻手喺度揀零食,行咗陣就離開,但係佢警覺性好高,全程周圍眼望望,好似擔心俾人偷影。之後去咗it男裝部,謎底終於解開。原來佢嘅緋聞男友兼前經理人Victor睇緊衫,張秀文即刻笑得好甜,佢兩個睇衫嗰陣仲不停對望,大約睇咗15分鐘左右,佢哋轉移陣地去咗另一個地方繼續行街街。唔知係咪佢哋眼中只有對方,所以警覺性亦相應減低,喺過馬路嗰陣,Victor本能反應想拖住張秀文,但係女方見到世色唔對,突然間縮開。後來佢哋喺利舞台搭自動電梯嗰陣,Victor終於忍唔住,伸手攬住張秀文,女方嘅表現亦好受落,不過佢哋好快發現咗有人影相,於是即刻急步走上去。佢哋兩個邊行邊回頭望,上到商場本來諗住想轉升降機走人,最後唔成功,張秀文全程黑面背住鏡頭,方寸大亂嘅Victor行去記者身邊。問佢哋係咪拍拖,Victor話:「唔係,只係做嘢。」之後仲無端端向記者派咭片。一頭大汗嘅Victor見打發唔到個記者,唯有繼續話只係做嘢,唔係拍拖。之後lift到咗,張秀文一支箭低頭兼用手揞住塊面咁衝入去,Victor就用個身擋住鏡頭,見到張秀文入咗lift後,佢又用個身擋住門口,最後成功逃脫。雖然佢哋人前人後都唔認係拍拖,但查實喺大台早已經有唔少人知道呢件事,男方仲成日俾人話有私心,最後大台仲將個女仔調去畀第二個經理人照顧,不過男方仲要事事親力親為,其實真係咁關心對方,不如索性公開,到時咪可以名正言順照顧佢囉!

攝影:梁繼光 素顏張秀文原本係自己一個行街 之後就匯合男友
好sweet呀!
見到記者張秀文即刻以「背」視人 緋聞男友兼前經理人Victor開始派咭片解圍
「咭片」唔掂唯有衝入lift

鍾意就快D Share啦!