靚模 師奶 紋身女 爭入圍 天使魔鬼ViuTV開戰
【ViuTV發圍】
今年兩台「選美激戰」爆發，無綫港姐首輪現身佳麗遭大起底，昨日輪到ViuTV的選美節目《美選D.n.A.》的參賽者在柴灣進行面試，質素有如大會主題Devil（魔鬼）與Angel（天使）結集，十一名參賽者中有三位來自同一間模特兒公司的索女，入圍機會高；而目測的「Devil」人選，包括有42歲師奶、有十幾個紋身的金毛女、嫩版小儀等，令人眼界大開。
【天使組】
【模界楊采妮】
■23歲的Yoshi昨日現身參加ViuTV的《美選D.n.A.》面試，她更自爆有個健身教練男友。
香港靚女有幾多？近日無綫與ViuTV兩台的選美活動打對台，ViuTV的《美選D.n.A.》截止日期為本月22日，昨日首次在柴灣進行面試，十一位參賽者分批到場會見節目監製。天使與魔鬼化身各佔一半，當中最矚目可說是「索模三人組」余逸思（Yoshi）、方敏婷（Natalie）和張沛樂（Charlotte），她們同樣來自Pure模特兒公司。
【天使組】
【沙律醬】
■花名叫「沙律醬」的24歲Charlotte是模特兒，擁34吋豐滿上圍，身材火辣。
【天使組】
【爆乳小甜心】
■22歲的Natalie於恒生管理學院英文系畢業，不時在Ig大晒事業線。
【天使組】
【牛雜妹】
■「牛雜妹」李美琪昨參與面試時，揚言會繼續努力減磅。
【天使組】
【兔牙黃美棋】
■只有19歲的中學生黃嘉儀亦有參加面試。
【天使組】
【割脈女】
■曾割脈的
「呢個選美貼地啲」
現年24歲的Charlotte曾拍過天堂鳥MV及NowTV聖誕節宣傳片等，她「事業線」好強，經常在Ig貼泳裝相大晒34D激凸上圍，昨日穿上一件白色低胸圓領衫現身，她說：「大家可以叫我沙律醬，一直覺得港姐選美壓力比較大，自己冇乜意欲，今次知道有呢個選美覺得幾有興趣，貼地啲，唔係睇錢、睇學歷。」22歲的Natalie則擁有33C上圍及雪白美肌，剛在恒生管理學院英文系畢業，她說：「我唔係高材生，今次只係任務形式去玩，幾有趣，上山下海都冇問題。」還有23歲的Yoshi最愛在Ig貼跟男友的攬錫相，她說：「男友係健身教練，我諗太性感佢都唔想。」
講完Angel，當然要數Devil化身，外貌有點似「細哨」，現年25歲、全身有十幾個紋身的金毛紋身師自稱叫「大狗」，她曾任《新報》副刊攝記，早前在拍ViuTV另一個未播出街的求愛真人騷《脫「獨」工程》（暫名）前已找到男友，所以轉戰參加選美。而「歪面李若彤」Catherine和目測與DJ小儀差不多高的Jennifer亦有做模特兒經驗，Jennifer說：「知道自己身高比較矮啲，希望呢邊可以多啲機會。」
【魔鬼組】
【金毛細哨】
■自稱「大狗」一頭金毛，任職紋身師的她手腳也滿是紋身。
【魔鬼組】
【富貴師奶】
■42歲家庭主婦Vanessa，自爆十幾年前曾參選校花，同屆冠軍是李璧琦。
【魔鬼組】
【嫩版小儀】
■跟阮小儀身高相若的Jennifer，原來也是模特兒！
曾選校花輸畀李璧琦由於今次美選只需年滿16歲及不論婚姻狀況，昨日年紀最小的只有19歲、仍是中學生的黃嘉儀，戴住大眼仔與記者對談：「嚟之前有同學校訓導老師同屋企人傾過，大家都贊成，我覺得機會係留畀有準備嘅人。」而最年長的Vanessa今年42歲，報稱是一名家庭主婦及撰稿員，她說：「貪得意，有個8歲大嘅囝囝，十幾年前參加過大專校花選舉，李璧琦係冠軍。」問自覺有甚麼優勝之處？Vanessa稱：「我都唔知有乜準則，又天使、又魔鬼囉！」
部份參賽者中都「熟口熟面」，除「牛雜妹」李美琪外，曾捲入裸照風波及割脈企圖自殺的伍淑怡（YoYo）都有前來面試，聲稱一個月減20磅的牛雜妹身形依然略胖，透露是ViuTV邀請面試，問是否內定入圍？她說：「未必㗎！我相信選美係公平、公正，唔係今日都唔係嚟面試。」YoYo則說：「我已經重生咗，加上呢個係新台，好夾。」
採訪：盧妹
攝影：陳志嵐
【平庸組】
【歪面李若彤】
■「歪面李若彤」Catherine身形纖瘦，看似營養不良。
【平庸組】
【翻版Cammi】
■22歲Mula外貌平庸，理應可以out出局。
|
鍾意就快D Share啦！
|
|
|
