林韋辰（箭咀示）涉酒後駕駛被捕，坐於警車內助查，左圖為林韋辰。
新界南交通部於歐國盃期間嚴打醉駕，於多個地區設置路障截查車輛，行動中合共拘捕16人，包括藝人林韋辰，並有多部車輛扣查。新界南交通部特遣隊警員，自上月下旬，歐洲國家盃進入16強賽事之際，針對睇波人士會蒲吧飲酒，並且酒後駕駛；遂於6月25日開始至今，進行打擊醉駕罪行，分別在青沙公路、荃灣區及獅隧一帶設置路障，截查車輛。行動至今日凌晨，共拘捕16人，當中涉及醉駕、非法改裝及行車證過期，並有多部車輛扣查，包括Benz跑及其他牌子辣車。
警員又於昨日凌晨一次行動中，在青沙公路截查由藝人林韋辰駕駛，掛有中、港車牌的七人車，經「吹波波」測試後，證實林曾經飲酒，遂以涉嫌醉駕將其拘捕，其駕駛的七人車亦拖返警署扣查。林已獲准保釋候查，需於8月上旬返警署報到。
就此事《東網》向林韋辰查詢，他承認事件並表示：「星期日同朋友出去食飯同埋睇波，期間飲咗幾罐啤酒，以為咁少冇事就揸車返屋企，喺青沙公路畀路障截查，有吹波波，超咗少少，冇交通意外發生，事件交咗畀律師處理，所以我都唔方便講太多。」
來源 source: http://hk.on.cc
|
鍾意就快D Share啦！
|
|
|
