掃呢頁CODE去手機

2016年7月14日 星期四

鍾麗緹公開擒攬嫩夫 [壹週刊 - 1375] __,鍾麗緹,鍾麗,M1,

45歲同33歲嘅姊弟戀,鍾麗緹當眾擒攬未婚夫,話之你。同你吟一吟鍾麗緹公開擒攬嫩夫相信唔會有人反對,用個索字形容鍾麗緹!不過八珍會多用一個字,堅!應該係堅金堅!18年前,最當打時期,突然爆出生女結婚。由上世紀到新世紀,堅戀愛大過天,呢頭同鬼佬離婚嗰頭嫁俾台灣音樂人嚴錚,到舊年拍真人騷《如果愛》,又同細12年嘅內地演員張倫碩撻着,絕對無人能及。上月初接受男友求婚後,鍾麗緹同張倫碩就去咗峇里影結婚相, ...


45歲同 33歲嘅姊弟戀,鍾麗緹當眾擒攬未婚夫,話之你。

同你吟一吟

鍾麗緹公開擒攬嫩夫

相信唔會有人反對,用個索字形容鍾麗緹!不過八珍會多用一個字,堅!應該係堅金堅! 18年前,最當打時期,突然爆出生女結婚。由上世紀到新世紀,堅戀愛大過天,呢頭同鬼佬離婚嗰頭嫁俾台灣音樂人嚴錚,到舊年拍真人騷《如果愛》,又同細 12年嘅內地演員張倫碩撻着,絕對無人能及。

上月初接受男友求婚後,鍾麗緹同張倫碩就去咗峇里影結婚相,跟住 10月再搞水中婚禮;上個禮拜,準新郎新娘返到香港,又帶埋三個女一家五口去 shopping。

餵到埋口!正面睇,係愛嘅表現,反面睇,就係湊仔。

雖然三個囡囡都唔係自己生,但張倫碩愛屋及烏,一樣溝通到;未來老公仔咁識做,鍾麗緹表現更加超額!喺時裝店變身樹熊勾咗响嫩夫身上,又公開餵食,應有盡有。

睇好唔睇好呢段姊弟戀?八珍個人諗法,以鍾麗緹嘅 pattern,過程大晒,結果,唔重要!

舊年合作內地真人騷《如果愛》一拍即合,鍾麗緹答應張倫碩求婚後,上月二人到峇里影結婚相。

之前結過兩次婚,生咗三個女嘅鍾麗緹,對再生抱順其自然態度。

細女 Cayla( 6歲)(左)

大女 Yasmine( 18歲)(右)

次女 Jaden( 7歲)(前)

Yasmine湊住兩個同母異父妹妹,一盡大家姐責任。

大女 Yasmine同準爹哋張倫碩亦好傾得埋,一齊睇波鞋商量揀款。

撰文:八珍


鍾意就快D Share啦!