網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月13日 星期三

《發字精神》(1):貼地發哥最愛篤魚蛋 __,發哥,周潤發,

發哥原來同大家一樣,都係好為食,佢又多咗個貼地特質喇。周潤發早前為新片《寒戰2》專程到「半個家鄉」新加坡宣傳,這位「新加坡女婿」偕發嫂(陳薈蓮)亮相首映禮的紅地氈,並在台上以廣東話發言,時刻流露着身為香港人的自豪感,難怪在網民心中高踞「最香港藝人」第一位!仲有牛腩麵同雲吞麵發哥受訪時嘗試剖析個人「最香港」的特點,他說:「哈哈哈,我成日都為食,去到邊食到邊,『為食』囉,我諗呢個係香港人最衰嘅習慣。我 ...


發哥原來同大家一樣,都係好為食,佢又多咗個貼地特質喇。

周潤發早前為新片《寒戰2》專程到「半個家鄉」新加坡宣傳,這位「新加坡女婿」偕發嫂(陳薈蓮)亮相首映禮的紅地氈,並在台上以廣東話發言,時刻流露着身為香港人的自豪感, 難怪在網民心中高踞「最香港藝人」第一位!

仲有牛腩麵同雲吞麵

發哥受訪時嘗試剖析個人「最香港」的特點,他說:「哈哈哈,我成日都為食,去到邊食到邊,『為食』囉,我諗呢個係香港人最衰嘅習慣。我代表香港人嘅就係會周圍篤魚蛋,食牛腩麵同雲吞麵,做呢啲好街坊嘅嘢,仲會行入街市呃飲呃食。同埋我好怕揸車,所以成日都坐交通工具,啲人可能覺得我同佢哋距離近啲啦,覺得『呢個人都唔係演員嚟喎,幾似香港人。』即係同香港市民接近啲囉!」

香港人要反省吓!

的確,在網絡搜尋「周潤發 港鐵」,即可找到發哥穿黑衫、白衫、戴黑超等多款不同搭車造型,不過與港人同步同呼吸的同時,他坦言亦有「最不香港」的一面:「我思想唔係好『香港』喎!即係好隨意,香港人好着緊,覺得『我付出咁多,應該收番咁多。』或者『我付出冇咁多,都要攞夠咁多。』例如我唔會去食放題,唔會食自助餐,因為你諗吓嗰樣嘢如果咁平,有咁多嘢畀你食,其實好似係零團費嚟香港旅遊咁喎,邊有咁大隻蛤乸隨街跳?我覺得香港人要反省吓,話『物有所值喎』,其實有冇可能咁平呢?唔可能!如果可以咁平就買到嗰樣嘢,即係好似你一蚊買到隻鮑魚咁,其實你可能要排兩日攞頭位,仲要一開閘就衝入去攤位度,『叮!』咁攞到隻鮑魚先至係一蚊,咁如果你肯付出呢個代價咪OK囉!我覺得係一個願打、一個願捱。」

冇必要辛苦自己

發哥又提醒各位Less is more,不必自討苦吃:「如果你話你唔貪,其實逍遙自在好多。你食完放題後,唔食到成個人『鯨』晒喺度呀?因為你怕蝕底嘛!咁樣其實對你嘅腸胃都幾辛苦喎,係咪先?點解你唔諗吓以同樣價錢去食好啲嘅嘢?咁就唔使撐行咗自己、辛苦自己,真係冇咁嘅必要喎!我覺得自己『唔夠香港人』就係食嗰方面,因為我唔做呢樣嘢。」


來源 source: http://hk.on.cc
鍾意就快D Share啦!