許廷鏗同胡鴻鈞去台灣做超齡交流生，同佢哋同班嘅女同學當中，有唔少索爆台妹，肥仔小編好葡萄呀！
最近無綫節目《反斗紅星冇暑假嘩鬼上學去》有歌手許廷鏗同胡鴻鈞主持，佢哋去咗台灣嘅高校做超齡交流生，着番件校服，搵番昔日校園回憶。而話說台灣出名多靚女，「台妹」一向係唔少港男夢寐以求嘅理想對象，而佢哋取景嘅學校，入面亦有勁多索爆台妹，完完全全搶晒鏡，有網民仲話：「台灣學生妹真係世界級！」
仲有唔少「高質」女
節目上，呢班超齡交流生同一般學生無異，都係要上體育堂、音樂堂、英文堂等等，又要守規矩，唔可以上堂時食嘢傾偈。不過，呢間學校嘅儀容要求就似乎有啲特別，男仔可以長髮、長頭髮女仔唔使紮辮、裙嘅長度又唔使過膝，唔怪得班上面有唔少索女同埋長腿
網民火速起底
而其中最搶眼嘅女同學，就係坐喺許廷鏗隔籬嗰個女仔。有次許廷鏗同胡鴻鈞仲同佢「壁咚」，當時佢即刻勁怕醜，網民都讚佢Cute，當然火速起佢底啦。原來呢位同學仔叫張俐晴，生得又pure又true，除咗係班花之外，仲係兼職Model。喺佢嘅Instagram上，都發現唔少孖同學仔嘅合照，個個都算幾「高質」咁，網民就話：「一眼望落去已經掃到幾個靚女！」、「益晒啲台灣男仔！」另外，亦有網民話，估唔到連班主任睇落身材都唔錯，成間班房好養眼，好羨慕許廷鏗同胡鴻鈞呢兩位男同學咁話呀！
網民有話兒：
伙xxx：點解可以化妝架？
tiffanyxxxaa：喺呢到（度）會更加體現到咩叫夏日為大地帶來美腿
alfredfan：點解我以前讀書唔係咁
pollisxxx：冇女仔帶（戴）眼鏡嘅？個個戴con？
lf222xxx：一班入面起碼有5、6個女神！
來源 source: http://hk.on.cc
|
鍾意就快D Share啦！
|
|
|
