鄧紫棋有兩樣嘢真係好優勝，就係自信心同自我感覺。
歌手鄧紫棋（G.E.M.）榮獲首屆世界傑出華人青年大獎，她出席頒獎禮時，坦言感到非常開心：「尋日係我出道8周年紀念，今日呢個特別日子，喺香港拎到獎，好開心。」她表示多謝大會鼓勵及給予肯定，自己亦希望繼續在不同層面努力。
問到她過去一年不斷搵錢，認為自己憑甚麼獲得此殊榮？她說：「對我嚟講，音樂唔止係我嘅事業，要平衡商業同做緊嘅嘢，為社會帶嚟正面嘅能量。我好多改編同原創歌曲都有信息傳達畀觀眾。好多時粉絲畀我嘅信，話佢哋遇到困難，靠我嘅歌嚟度過關口，一兩句句子，已經係我好大動力。」
否認與Psy不和
提到她早前在大陸節目《蓋世英雄》上翻唱樂隊Beyond的歌《喜歡你》，及一身土豪金打扮備受網友狠批時，她坦言：「做乜都有唔同聲音，要有勇氣先可以擁抱唔同嘅嘗試。之前同韓國歌手PSY合作改編歌曲，係個好好嘅學習機會。（有指你不滿佢編曲？）呢啲網上嘅炒作，我同佢都唔想助長，我哋私下得啖笑。」提到她把韓國組合BIG BANG成員太陽的歌曲翻唱成中文版《紅薔薇白玫瑰》，而受到BIG BANG粉絲劣評，問她會否怕了，從此不再翻唱。她即再次強調自己做人宗旨，認為做每件事都會有不同聲音，並謂希望能從過程中學到不同的意義、擁抱不同的嘗試。
來源 source: http://hk.on.cc
|
鍾意就快D Share啦！
|
|
|
