雪雪VS Diva（小圖）
藝人孫慧雪（雪雪）及許珮榆（Diva）以谷胸賽車女郎造型，性感出席遊戲機活動。二人試玩遊戲時表現投入，更忘形晒出深長事業線！
自爆恨嫁但冇人追
昨日牛一的雪雪透露於凌晨唱K以致聲沙，她又感謝賴慰玲及楊潮凱等為自己慶生。提及生日禮物，雪雪直言喜獲fans送上手摺幸運星：「我收到好多卡、食物同扮靚嘅嘢。但我最開心收到fans送幸運星畀我，咁有心思，自己都淨係中學時收過。」問到有冇人趁生日向她表白？半年冇拍拖的雪雪自嘲冇人追，又直認恨嫁：「冇，淨係講生日快樂。（願望搵個男友？）我有顆恨嫁嘅心，嫁得出就嫁！（咩條件？）錫我同家人，心地好！」
P走牙縫食物殘渣
她又預告其寫真將會加印：「應會加印。（印幾多？）未清楚，但上次有fans搵我話商場好早截龍，所以到場都買唔到，我都會搞多次簽名會。」提到有網民指雪雪的寫真集看似較少「執相」？她直言未做到「零P圖」，又搞笑稱要人幫手執走相中自己牙縫的薯片碎：「我求攝影師幫我執瘦啲同執走黑眼圈，佢都唔肯，仲話我sell肥肥哋。不過我影相前食薯片，薯片攝牙縫就逼佢幫我執。（有網民話寫真影得冇真人咁靚？）咁我好開心，可能影寫真時多數係我拍完劇再影，會攰少少。（再影多一本？）講咗一本就一本喇。」
來源 source: http://hk.on.cc
|
鍾意就快D Share啦！
|
|
|