張名雅之前先話要低調，不過今日一反常態晒男友合照公開戀情！
現年28歲嘅2012年三料港姐冠軍嘅張名雅，雖然事業發展平平，冇乜特別代表作，但係愛情就非常得意喎！喺4月時佢就被影到同律師男友Joe喺馬場咀嘴，不過佢就話要「低調」，所以就唔肯多講戀情喇！之不過咁，「低調」過後，睇嚟佢都係撳唔住心中嘅激情，佢要爆喇！！！
啱啱張名雅就喺社交網站上載咗張同一男子深情對望嘅相，張名雅仲含情脈脈咁款，表現冧到爆！佢留言：「thanks this one for always being here」大概係多謝呢個人成日都喺佢身邊，雖然冇咩親密動作，但係佢就tag咗「kamhochoy」，即係佢男友個名，明晒啦大家？！！
「低調」咩嚟㗎？食得㗎？唔通好事近所以公開戀情？不過香港小姐配俊男，郎才女貌，非常之登對，理得係宣示主權定封男友盤呀，總之就恭喜晒
來源 source: http://hk.on.cc
|
鍾意就快D Share啦！
|
|
|