「來吧我甚麼都應承 來吧我甚麼都聽命……」如果睇到呢兩句歌詞就識唱，證明你都有番少少年紀（少少啫）。呢首歌係出自亞姐出身、後來轉咗去做艷星嘅葉玉卿嘅《擋不住的風情》，早排泳兒先翻唱過，而唔識原唱版嘅各位，已經冇乜機會再見到呢位尤物嘅風采，因為卿卿喺1998年同商人胡兆明結婚後就退淡出幕前，喺美國專心相夫教子，好少再出現喺幕前。年屆半百嘅卿卿雖然係全職媽咪兼主婦，但仲仍然keep得住，上圍仲好有睇頭，而最偉大嘅係，佢約16歲大嘅囡囡胡芷欣（Victoria）都有遺傳到媽咪嘅好身材，仲有餅印咁嘅樣，笑容甜美。不過，Victoria對眼都幾似爸爸胡兆明，真係點睇都知佢哋係一家人。最近喺網上流傳一批卿卿嘅家庭照，除咗可以見到佢間大屋同個大泳池之外，原來卿卿一家人平日去旅行時，都會入住當地嘅高級酒店或度假村，一家幾口仲會影低啲旅行照，樂也融融咁樣，難怪卿卿喺美國嗰邊唔願返嚟囉。潮流興星二代，卿卿3個仔女中，大女Victoria嘅「曝光率」比較高，再睇番Victoria啲相，雖然有本錢去騷，但佢唔似好多讀番書飲洋水大嘅星二代咁，穿着比較開放，Victoria嘅穿着都頗密實，而且經常陪喺媽咪身邊，行街飲茶食飯都孖住去，又見佢跟爹哋媽咪去旅行，應該係個乖乖女，應該都可以歸功於媽咪卿卿家教有方。
| 卿卿女兒已經亭亭玉立，兩母女如餅印一樣。 |  |  |
 卿卿屋企有個大泳池，媲美度假屋級數。 |  年屆半百嘅卿卿仍然keep到好好身材。 |  |
 卿卿同家人去度假，入住地方有埋波枱。 |  當年嘅卿卿 |  |
 |  |  |
來源 source: http://hk.apple.nextmedia.com
|
鍾意就快D Share啦！
|
|
|