一對新人喺綵排期間，不時流露嚴肅神情，證明佢哋兩個都有啲緊張。
聽日就係台灣藝人陳妍希同內地藝人陳曉喺北京舉行婚宴嘅大日子。啱啱，一對新人已經去咗婚宴場地作實地綵排。現場所見，陳妍希同陳曉現身時一臉春風，陳妍希仲要揮晒手咁接受現場人士嘅祝福。雖然佢哋咁興奮，但當佢哋聆聽工作人員講解婚禮流程時都一臉認真，睇嚟佢哋已經開始為聽日嘅婚宴緊張起上嚟喇。
之前陳曉向陳妍希求婚時已經好大陣仗，去到正式婚禮自然都唔會馬虎根據現場觀察，結婚場地布置相當唯美，現場布滿以白色布柱砌成嘅大型心心裝飾，上面仲有好多紅色嘅鮮花。呢個咁浪漫嘅場景，真係符合晒仙氣逼人嘅女神陳妍希嘅新娘子身份呀！
來源 source: http://hk.on.cc
|
鍾意就快D Share啦！
|
|
|
