掃呢頁CODE去手機

2016年7月10日 星期日

郭富城:郭富城後生咗?孖吳澋滔合照父子變兄弟 __,吳澋滔,司馬燕大仔,郭富城,

隔咗咁多年吳澋滔大個咗好多,反以郭富城就愈嚟愈後生。當年嘅一套電影《父子》,除咗造就郭富城第二次奪得台灣金馬獎最佳男主角之外,戲中飾演郭富城個仔嘅吳澋滔,亦都奪得香港金像獎最佳新演員同最佳男配角,唔少人都大讚佢哋演得出色之餘有晒父子格,不過吳澋滔媽咪已故藝人司馬燕就覺得小朋友應該學業為先,所以吳澋滔之後都冇繼續喺娛樂圈發展,令到好多想再睇吳澋滔同郭富城合作嘅人大叫可惜。雖然喺電影世界暫時都冇機會再 ...


隔咗咁多年吳澋滔大個咗好多,反以郭富城就愈嚟愈後生。

當年嘅一套電影《父子》,除咗造就郭富城第二次奪得台灣金馬獎最佳男主角之外,戲中飾演郭富城個仔嘅吳澋滔,亦都奪得香港金像獎最佳新演員同最佳男配角,唔少人都大讚佢哋演得出色之餘有晒父子格,不過吳澋滔媽咪已故藝人司馬燕就覺得小朋友應該學業為先,所以吳澋滔之後都冇繼續喺娛樂圈發展,令到好多想再睇吳澋滔同郭富城合作嘅人大叫可惜。

雖然喺電影世界暫時都冇機會再見到兩位同時出現,不過啱啱《寒戰2》首映,吳澋滔就去咗捧「老竇」郭富城場,吳澋滔整咗張同郭富城頭貼頭嘅合照放上網,吳澋滔由8歲小朋友變到依家19歲大個仔,轉眼間都過咗11年,不過呢張相最奇怪嘅地方,就係郭富城相比起《父子》中嘅劇照,明顯後生咗好多,過咗11年反以愈嚟愈後生,搞到郭富城同吳澋滔拍埋一齊似「兄弟」多過「父子」。


來源 source: http://hk.on.cc
鍾意就快D Share啦!