網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月18日 星期一

女神男神:正妹+足球有得諗! 索模勢做俄羅斯領隊 __,女神,

俄羅斯女色救足運?喺歐國盃分組賽不勝出局後,俄羅斯兼職領隊施盧斯基正式下台,過萬球迷聯署要將國家隊推倒重建。近日網上就瘋傳一單奇聞,東歐媒體指著名模特兒兼女教練蒂哈娜,被列為俄羅斯新帥候選人之一,呢位有4年教波經驗嘅前克羅地亞小姐,更公開自薦「會比男人教得更好」,認真夠噱!自從冇錢出糧搞到卡比路劈炮後,俄羅斯帥位一直變成笑話,歐國盃前搵莫斯科中央陸軍教練施盧斯基兼職頂上,結果都係慘淡收場。俄羅斯依 ...


俄羅斯女色救足運?喺歐國盃分組賽不勝出局後,俄羅斯兼職領隊施盧斯基正式下台,過萬球迷聯署要將國家隊推倒重建。近日網上就瘋傳一單奇聞,東歐媒體指著名模特兒兼女教練蒂哈娜,被列為俄羅斯新帥候選人之一,呢位有4年教波經驗嘅前克羅地亞小姐,更公開自薦「會比男人教得更好」,認真夠噱!

自從冇錢出糧搞到卡比路劈炮後,俄羅斯帥位一直變成笑話,歐國盃前搵莫斯科中央陸軍教練施盧斯基兼職頂上,結果都係慘淡收場。俄羅斯依家帥位懸空,點知匈牙利同捷克等東歐媒體爆料,索爆球壇嘅「足模」蒂哈娜竟然成為候選人之一,呢位女足出身嘅兼職模特兒,更獲俄羅斯球迷力撐。

現年只得28歲嘅蒂哈娜,已經執教克羅地亞球隊亞武高域斯勝利4年,加上曾經代表克羅地亞女足踢國際賽,經驗相當豐富。雖然報道冇解釋俄羅斯足總點解有呢個構思,但蒂哈娜喺歐國盃期間就曾經公開批評施盧斯基嘅戰術,插施帥並冇清晰嘅進攻策略,令高哥連等前鋒威力大減。

對於自己可能有機會成為首個執教男子國家隊嘅女教練,蒂哈娜就大表歡迎:「作為一個鍾意挑戰嘅專業教練,我係非常開心,我相信女教頭喺好多方面會比男教頭做得更好,例如係照顧球員嘅心理同情緒。」俄羅斯體育部長穆特科早前曾表示:「女性都可以執教國家隊。」唔通係為蒂哈娜鋪路?

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!