掃呢頁CODE去手機

2016年7月11日 星期一

【獨家】蔡思貝撞車玻璃碎彈滿全身 車cam片段曝光 __,蔡思貝,

港姐蔡思貝入行以嚟是非多多,除咗經典嘅學歷不可思議事件,3月嗰陣,佢為咗影男友英姿,更試過邊揸車邊影相,夠晒藝高人膽大。上次話自己一時疏忽嘅蔡思貝,話口未完,大前日(8日)出席活動嗰陣,自爆喺活動前撞車。噚日讀者Andy透過《蘋果》嘅「爆相爆片」,向本報提供咗懷疑係蔡思貝大前日發生交通意外嘅車cam片段。片段中,只見蔡思貝所揸嘅藍色甲蟲車,由金鐘紅棉道向灣仔方向駛去,原本蔡思貝架甲蟲車只可以直路駛 ...




其他影片:>>






港姐蔡思貝入行以嚟是非多多,除咗經典嘅學歷不可思議事件,3月嗰陣,佢為咗影男友英姿,更試過邊揸車邊影相,夠晒藝高人膽大。上次話自己一時疏忽嘅蔡思貝,話口未完,大前日(8日)出席活動嗰陣,自爆喺活動前撞車。噚日讀者Andy透過《蘋果》嘅「爆相爆片」,向本報提供咗懷疑係蔡思貝大前日發生交通意外嘅車cam片段。片段中,只見蔡思貝所揸嘅藍色甲蟲車,由金鐘紅棉道向灣仔方向駛去,原本蔡思貝架甲蟲車只可以直路駛向告士打道,但到燈位嗰陣,甲蟲車懷疑突然轉右,同隔籬線嘅的士有碰撞。Andy喺電話中講:「好彩係的士,如果係貨櫃車,就大件事,不過個的士司機都好慘!」不過日前蔡思貝出活動講返個事發經過,就完全唔同版本喇。佢話當時自己揸車,途經金鐘夏愨道,因為唔熟嗰段路,結果同另一部的士有碰撞,佢就話,唔知係邊個撞邊個先。「我司機位嘅玻璃撞碎咗,所以我全身玻璃碎,自己冇報警,但有警車到場,亦有消防車啱啱經過。消防員都有幫我處理情況,之後救護車嚟到,自己上咗救護車處理玻璃碎,因俾玻璃碎彈滿全身,有啲黏住皮膚,都有輕微流血,醫護人員很細心,好快幫我止血同清理碎片。」蔡思貝撞車,對於邊個撞邊個,佢就講到模稜兩可,不過要重組交通事故發生嘅過程,車cam絕對係偉大嘅發明。至於蔡思貝,佢就回覆傳媒話:「唔好意思,唔方便回應!」

蔡思貝大前日撞車,佢喺活動上話唔知邊個撞邊個 讀者Andy透過《爆相爆片》,直擊到撞車過程(紅圈為蔡思貝座駕)

鍾意就快D Share啦!