網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月24日 星期日

英超Fever:國冠盃:紅魔馬迪爾am9未開業先收檔 __,

曼聯新星安東尼馬迪爾上季喺各項賽事射入17球,啱啱仲畀著名嘅市場統計公司Soccerex選為當今最值錢21歲以下球員,身價高達4,000萬鎊,一時間成個世界都好似係佢嘅!可惜,原來喺「紅魔鬼」心目中,就算唔係臭四,佢都只係二線兵,皆因曼聯日前宣布將佢着開件9號波衫畀咗新兵伊巴謙莫域,而根本冇通知過馬迪爾喎。難為呢個新紮射手仲懵盛盛今晨推出佢新品牌am9,叫人支持,今鋪真係掛羊頭、賣9號,AM9唯有 ...


曼聯新星安東尼馬迪爾上季喺各項賽事射入17球,啱啱仲畀著名嘅市場統計公司Soccerex選為當今最值錢21歲以下球員,身價高達4,000萬鎊,一時間成個世界都好似係佢嘅!可惜,原來喺「紅魔鬼」心目中,就算唔係臭四,佢都只係二線兵,皆因曼聯日前宣布將佢着開件9號波衫畀咗新兵伊巴謙莫域,而根本冇通知過馬迪爾喎。難為呢個新紮射手仲懵盛盛今晨推出佢新品牌am9,叫人支持,今鋪真係掛羊頭、賣9號,AM9唯有未開業、先收檔

其實話曼聯完全唔緊張馬迪爾又唔係,「紅魔鬼」喺拎走佢件9號之後,就畀番件曾經由傑斯着過嘅11號,夾埋馬迪爾喺法國國家隊件波衫,都算係咁只不過唔知係溝通出錯定咩原因,曼聯喺周四已經宣布新季球衣號碼安排,但仲放緊假嘅馬迪爾似乎乜都唔知道,仲喺今晨幫佢FB同twitter等社交網換咗張新大相,就係馬迪爾着住件9號波初,同時宣佈佢個新品牌名字am9,即係佢個名縮寫加埋個波衫「冧巴」囉!

要知道早兩日伊巴謙莫域已經好寸咁喺社交網話:「我揀咗9號!」即係一切根本唔到馬迪爾揀,加埋依家馬迪爾懵盛盛照出新品牌名,呢鋪都真係幾尷尬喎!據聞馬迪爾知道件事後,已經即時唔再Follow曼聯個twitter同instagram,擺明好不滿

唔少網民事後都插曼聯管理層處理得唔好,更有球迷擔心馬迪爾會走。佢哋話馬迪爾就係「紅魔鬼」將來,而伊巴謙只會喺奧脫福一、兩季,究竟曼聯呢鋪有冇落錯注,馬迪爾又會唔會硬食算數,唯有睇落去先知

SO東波同你追實體壇每個精彩時刻! 

http://on.fb.me/1PWMCFH 


來源 source: http://hk.on.cc
鍾意就快D Share啦!