掃呢頁CODE去手機

2016年7月14日 星期四

FFx胸降海賊王 [壹週刊 - 1375] __,FFx,M1,

夏日熱辣辣,FFx三女去海賊王嘉年華玩水消暑。娛樂偵訊FFx胸降海賊王FFx由四變三,飛起Shirley楊澤怡後重新出發,並揚言要繼續發揚MKPop,戰鬥力無減。成員年紀最大的Ceci和Mizaki亦只得21歲,湊埋17歲的Christy,冇經理人照顧,自己接job做,乜都要瞓晒身,連去「海賊王.狂歡激航嘉年華」玩遊戲,都搏命啲。Ceci趴街 Mizaki變滾地葫蘆上星期五(七月八日),三十七度高 ...


夏日熱辣辣, FFx三女去海賊王嘉年華玩水消暑。

娛樂偵訊

FFx胸降海賊王

FFx由四變三,飛起 Shirley楊澤怡後重新出發,並揚言要繼續發揚 MK Pop,戰鬥力無減。成員年紀最大的 Ceci和 Mizaki亦只得 21歲,湊埋 17歲的 Christy,冇經理人照顧,自己接 job做,乜都要瞓晒身,連去「海賊王.狂歡激航嘉年華」玩遊戲,都搏命啲。

Ceci趴街  Mizaki變滾地葫蘆

上星期五(七月八日),三十七度高溫下,改頭換面的 FFx無懼甩妝、曬黑,出盡力玩!

Christy(周葆諭)同 Mizaki(潘穎琳)身形偏瘦,玩第一關「橡皮槍彈」拳頭陣,輕鬆過關;不過 Ceci(李詩詠)就好論盡,爬上去已經用咗成分鐘,上到去唔夠十秒,已經跌番落嚟,吹氣設施浮吓浮吓, Ceci一個重心不穩,趴咗幾次街,仲大大力撼落通道,睇見都赤赤痛。

跟住去玩魯賓滑梯,明明呢條滑梯係老少咸宜,即係唔刺激但三人同時滑,得 Mizaki連人帶水泡,成個變成滾地葫蘆,要隊友夾手夾腳,扶住離開,陰功!

得 17歲嘅 Christy,上圍有 E cup,玩遊戲時跌出嚟咁滯。

Mizaki瀡滑梯反艇,要跪住行先出到嚟。

Ceci最論盡,爬極都唔得,要擘晒髀先擒到上去。

女神 Christy明讚坤哥

三個人之中,身材最好、最省鏡的 Christy,一向是毒男最愛,亦曾經做過吳業坤緋聞女友,提起坤哥, Christy九秒九劃清界線:「之前去一個新城活動打過招呼,我同佢嘅認識只係去到打招呼。」

做得女神,對兵當然有一手,一啖砂糖一啖屎,撇清關係後再分裂大讚坤哥努力:「我好欣賞佢,好努力由冇到有,都想向佢學習,唱歌又幾好聽。」娘娘派糧,偽毒坤哥收到冇?

三人一齊瀡滑梯瀡到七情上面,好刺激。

重新組合嘅 FFx互餵西瓜,感情仲好過以前四個人。

五月尾 FFx以四人組合開演唱會,但唔夠兩個月,不和拆夥。

撰文:程思詠

攝影、攝錄:娛樂組


鍾意就快D Share啦!