掃呢頁CODE去手機

2016年7月7日 星期四

扮阿婆呃 like 李蕙敏:我自己都心虛! [壹週刊 - 1374] 李蕙敏,M1,

娛樂偵訊扮阿婆呃like 李蕙敏:我自己都心虛!由被指欠卡數被追數到成為人妻,李蕙敏(Amanda)化險為夷;稱得上樂壇坎坷之星的她,今年初簽約新經理人公司再戰樂壇,在派台新歌《不分不散》MV中化身阿婆呃like,更一手包辦造型,但始終唔係真材實料,途人勁𥄫後,Amanda亦不得不投降:「我自己都心虛!」自製阿婆look昔日曾一度進逼天后級的李蕙敏,除了慘情歌拿手,形象也是強項。如今再戰樂壇,派台 ...


娛樂偵訊

扮阿婆呃 like 李蕙敏:我自己都心虛!

由被指欠卡數被追數到成為人妻,李蕙敏( Amanda)化險為夷;稱得上樂壇坎坷之星的她,今年初簽約新經理人公司再戰樂壇,在派台新歌《不分不散》 MV中化身阿婆呃 like,更一手包辦造型,但始終唔係真材實料,途人勁𥄫後, Amanda亦不得不投降:「我自己都心虛!」

自製阿婆 look

昔日曾一度進逼天后級的李蕙敏,除了慘情歌拿手,形象也是強項。如今再戰樂壇,派台歌《不分不散》決定由阿婆上陣演繹,同導演商討後, Amanda自薦親自變身,連形象亦一手包辦。

平時靚衫,中環、銅鑼灣行一圈有收穫,至於耆英時尚, Amanda決定由街市開始搜索,於乾貨攤檔巡一圈已經有所收穫,加上髮型同化妝工作人員幫手,變阿婆樣,話咁快現形。

不過, Amanda變阿婆全靠秘密武器——雨傘。

「我係參考我媽咪,佢已經八十幾歲,成日用把遮篤住當枴杖,有咗佢(把傘)真係似好多。」李蕙敏說。

攞住雨遮篤吓篤吓,驟眼睇, Amanda都似個阿婆。

始終熟口熟面,途人經過會望兩眼。

同導演商量後, Amanda決定親自上陣化老妝,扮演歌中的女主角。

惹人懷疑

阿婆造型維肖維妙, Amanda不忘自拍 send俾老公 Serge欣賞,獲回覆「 Amazing!」鼓勵。

成本有限, Amanda游走中上環一帶,於老人家出沒地點進行拍攝,但導演嗌 cut後,加上「阿婆」動作太敏捷和太過皮光肉滑,均令途人滿頭問號!

「真係好好笑,我自己都心虛,唔係好敢同啲途人有眼神接觸;佢哋啲反應好得意,初頭冇乜反應,去完街市再去藥房睇廁紙,睇睇吓啲人開始有啲奇怪,係咁望實我。」

MV以公園作為尾站,因為人較少, Amanda當正自己阿婆,開始嚟料!經過在公園長櫈瞌眼瞓的伯伯, Amanda唔理咁多,坐近對方身旁,等攝影師可以拍到老人家在公園的真實狀況。

低成本製作,惟有靠寫實搏加分。

化妝師於嘴角加幾筆,製造皮膚鬆弛效果。

事隔兩年再派歌上台, Amanda試新嘢唔唱慘情歌。

坎坷天后

17歲出道的李蕙敏( Amanda),入行 28年,經歷無數起跌,經典歌《你沒有好結果》算是個人歌唱事業中的代表作,從天后到蛋散,閱歷人生坎坷。

出道期

88年,被唱作人倫永亮發掘入行,其後被安排與區海倫組成二人組合 Echo,但唱片銷量一般, 92年拆夥,李蕙敏作獨立發展。

高峰期

95年,憑歌曲《你沒有好結果》紅爆的 Amanda, 97年內推出四張唱片,事業再推上高峰,就連王菲經理人陳家瑛亦曾向 Amanda打主意,相約密斟簽約。

衰落期

98年,加入寶麗金的 Amanda事業開始走下坡,加上聲帶生繭導致失聲的她,幾乎絕跡樂壇,其後曾自資成立唱片公司 Eaft Fino,又從事時裝及珠寶工作, 04年更於中環開時裝店,但大多有前冇後。

復出

13年,下嫁拍拖三年的英籍男友 Serge Micallef後,於九展舉行首次個人演唱會,又以全裸造型上陣宣傳新歌《銷魂》,其後與大迴音國際( Big Echo)簽約三年, Amanda上月推出全新廣東歌《不分不散》,全面復出。

撰文、攝影、攝錄:娛樂組


鍾意就快D Share啦!