網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年7月7日 星期四

陳法拉 x章子 張藝謀豪使超錫現任 [壹週刊 - 1374] 張藝謀,陳法拉,法拉,M1,

兩公婆喺圓方行足一個下晝,土豪式掃貨。探熱針陳法拉x章子 張藝謀豪使超錫現任國有國法,國寶違法,一樣冇得傾!65歲的國寶級內地導演張藝謀,年前被踢爆同細自己30年的舞蹈員陳婷未婚生B,因為「超生」被判罰款748萬人仔。一對老夫嫩妻早前從北京來港血拼,35歲的陳婷有幾分似陳法拉,個body仲似足章子怡!同國寶老公在圓方騰足一個下晝,逐間名店搜掠,唔貴唔買,好土豪呀!激似章子怡熟悉張藝謀,因為他身邊女 ...


兩公婆喺圓方行足一個下晝,土豪式掃貨。

探熱針

陳法拉 x章子 張藝謀豪使超錫現任

國有國法,國寶違法,一樣冇得傾! 65歲的國寶級內地導演張藝謀,年前被踢爆同細自己 30年的舞蹈員陳婷未婚生 B,因為「超生」被判罰款 748萬人仔。

一對老夫嫩妻早前從北京來港血拼, 35歲的陳婷有幾分似陳法拉,個 body仲似足章子怡!同國寶老公在圓方騰足一個下晝,逐間名店搜掠,唔貴唔買,好土豪呀!

激似章子怡

熟悉張藝謀,因為他身邊女伴如鞏俐、章子怡,都是港人所識。七八年同第一任妻子肖華結婚,誕下兩名女兒,之後瞞住老婆同一手捧紅的鞏俐撻着,搞到離婚收場。之後還有章子怡和無數「謀女郎」,直至搭上現任妻子陳婷,連生三 B,張大導,老當益壯。

多女!但錫老婆錫到燶。同現任行圓方,面貌看似陳法拉的謀嫂,同樣跳舞出身,纖瘦身形亦激似張大導舊愛章子怡。拎住淺黃色 Hermes的她,在名店逐一進行地氈式搜索。

35歲的陳婷有幾分似陳法拉,身形就似足章子怡,張大導果然有眼光。

買到一手戰利品,張大導扶住老婆纖腰返酒店,不過,張太好怕醜,一見到記者即刻彈開。

張大導都唔輸蝕,在男裝部左揀右揀。

老婆出力揀,張大導坐埋一邊悶到瞌眼瞓。

專責俾錢

老婆在名店內左揀右揀樣樣試,國寶大導坐埋一邊,等到瞌眼瞓;等到陳婷揀啱心水,張藝謀簽咭。有人找數,謀嫂愈買愈狼,一間又一間,買完衫褲,再轉攻手袋、銀包。

買到一手戰利品,張藝謀扶住老婆纖腰返酒店,見記者影相,原本笑晒打招呼的張大導,因為老婆彈開唔願上鏡,立即補飛,「不要再拍!」超體貼!

87拍《紅高粱》同鞏俐撻着的張藝謀,為對方同正印離婚。

「超生風波」後,陳婷在微博公開了一家五口的全家福。

張大導身邊女伴不停轉,章子怡亦是他一手捧紅的「謀女郎」。

撰文、攝影、攝錄:娛樂組


鍾意就快D Share啦!