掃呢頁CODE去手機

2016年8月22日 星期一

【動畫】【獨家有片】10保鑣列陣圍戲院 暴瘦大劉包兩行位孖甘比睇戲 __,甘比,劉鑾雄,大劉,

現年65歲嘅華人置業前主席大劉劉鑾雄,近年受糖尿病同腳患夾擊,身形縮水,由「大劉」變「細劉」,近月更要坐輪椅同用枴杖代步,健康情況令人擔心!對於身形「暴瘦」,大劉早前透過發言人,回覆本報就坦言話:「身體冇以前咁好,但冇出面講到咁大問題。」雖然身體出咗毛病,不過大劉就透露o依家每日都會返華置總部上班!(新聞連結:http://bit.ly/2b4SXFa)大劉健康惹人關注,但起居作息如常,除咗繼續同 ...




其他影片:>>






現年65歲嘅華人置業前主席大劉劉鑾雄,近年受糖尿病同腳患夾擊,身形縮水,由「大劉」變「細劉」,近月更要坐輪椅同用枴杖代步,健康情況令人擔心!對於身形「暴瘦」,大劉早前透過發言人,回覆本報就坦言話:「身體冇以前咁好,但冇出面講到咁大問題。」雖然身體出咗毛病,不過大劉就透露o依家每日都會返華置總部上班!( 新聞連結:http://bit.ly/2b4SXFa )大劉健康惹人關注,但起居作息如常,除咗繼續同甘比間歇式到飯堂福臨門食中菜,或到半島酒店食西餐外,鍾意睇戲嘅佢,稍稍有精神,就會孖甘比去戲院睇戲作為消遣娛樂。噚日下晝約5點,本報收到消息,指大劉同甘比,秘密到旗下嘅銅鑼灣皇室堡睇由劉青雲、古天樂主演嘅《危城》。連同二人一齊睇戲嘅,除咗甘比媽媽,仲有近10個保鑣同傭人,所以睇戲時,大劉預先吩咐戲院職員,包咗戲院最後兩行。由於噚日係星期日,商場內滿佈遊人,一眾人等未出戲院前,數名商場保安已預先用欄杆設好通道,更鎖起商場其中一部電梯。當發現現場有記者時,即緊張向戲院內嘅職員通報。20分鐘後,坐住輪椅嘅大劉,由保鑣列陣掩護下,面燶燶不發一言由傭人推着離開。而喺身後嘅甘比,就亦步亦趨,快步跟實大劉行入電梯,到停車場時,甘比即扶實大劉上67號車牌房車,而甘比媽媽就自動波行前,乘坐I MISS U車牌七人車離開。

攝影:朱志聰、黃曉程 大劉噚日下晝包咗皇室堡戲院最後兩行,同甘比拍拖睇《危城》。 睇完戲,大劉由商場保安掩護下,坐住輪椅由特設嘅通道離開。
着住深藍色短裙嘅甘比,快步跟實。 同行有一大堆保鑣同外傭圍住。 甘比媽咪(戴眼鏡白色裇衫米色褲)都有嚟!
近日甘比一直陪伴大劉,早前二人就去中環置地文華酒店食晏。 甘比同大劉坐67號車牌房車離開。 大劉未出戲院前,商場職員嚴陣以待。

鍾意就快D Share啦!