網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月4日 星期四

圓方孖公仔 唐文龍黐大隻男友 頭貼頭買餸 [壹週刊 - 1378] __,唐文龍,M1,

娛樂偵訊圓方孖公仔 唐文龍黐大隻男友 頭貼頭買餸去年接拍電影版《十月初五的月光》,唐文龍再做「金勝」回歸香港,46歲依然單身,操到爆晒肌的他近年出入身邊同性朋友居多,跟劉家良侄兒劉永健,更加行得埋。日前,二人又著住同款軍靴孖咇行超市買餸,兩個肌男有默契地頭貼頭揀壽司,手黐手睇碟,其間劉永健更對著小白tee騷大胸的唐文龍多次掃背搭膊,巧親密。刪走孖男友歐遊照被薛家燕踢爆十五年前追佘詩曼失敗的唐文龍, ...


娛樂偵訊

圓方孖公仔 唐文龍黐大隻男友 頭貼頭買餸

去年接拍電影版《十月初五的月光》,唐文龍再做「金勝」回歸香港, 46歲依然單身,操到爆晒肌的他近年出入身邊同性朋友居多,跟劉家良侄兒劉永健,更加行得埋。

日前,二人又著住同款軍靴孖咇行超市買餸,兩個肌男有默契地頭貼頭揀壽司,手黐手睇碟,其間劉永健更對著小白 tee騷大胸的唐文龍多次掃背搭膊,巧親密。

刪走孖男友歐遊照

被薛家燕踢爆十五年前追佘詩曼失敗的唐文龍,出道以來,罕有承認的女友包括已是人母的陳少霞,九九年分手後,唐文龍曾跟關心妍及同居空姐女友有過一段情,對於感情生活,堅低調。

兩年前,唐文龍接受訪問時,突然自爆有個拍拖超過十年的女友,但因北上發展,試過九個月冇工開又要供樓,唔想拖累對方而提出分手。

身邊異性買少見少,但唔係緊身衫唔著的唐文龍並不寂寞,去年便 po過多張跟男性友人歐遊照,在微博開心些牙,但密遊照最近已離奇刪相,身邊密友換成劉永健,同以四個骨運動褲襯啡色短皮靴,「情侶裝」打扮行圓方;二人先去 hmv睇碟,揀完行去櫃枱俾錢,全程黐到實。

頭貼頭揀壽司

親密搭膊

溫柔掃背

High tea玩交換電話

心有靈犀視線一致

脈脈含情

黐住買餸

之後上露天平台歎下午茶,唔想糟塌一副 body,唐文龍跟同樣渾身是肌的劉永健只飲不吃,兩個大隻男啜凍檸茶,玩吓交換電話,吹風吹水個半鐘,由唐文龍找數,劉永健完全冇反應,似乎早已習慣。

離開時,劉永健更一度搭住唐文龍膊頭,兩人落番商場去超市買餸,手貼手,膊貼膊,毫無顧忌黐住行。

「 Michael(唐文龍)同劉永健拍《十月初五》時做同父異母兄弟,加上都鍾意功夫,所以 friend到而家。兩個喺內地撈咗十年有多,劉永健仲早過 Michael兩年返內地,大家互相照顧,所以好啱傾。」知情者說。

前年興玩冰桶挑戰,大隻唐文龍唔放過任何機會,剝晒衫淋冰。

去年為電影《十月初五》出席宣傳活動,唐文龍被好姨踢爆多年前追阿佘失敗。

唐文龍去年特登搵攝影師影個人專輯,不過全部靚相留給自己欣賞。

公然掃背搭膊

隔一陣,二人又再黐番埋,劉永健發辦買 parma ham,唐文龍做背後男人,只用眼神俾反應,有晒默契,買完火腿,再轉去刺身凍櫃,頭貼頭揀完壽司,繼續由唐文龍俾錢。

只見唔出錢只出力的劉永健,左手拎嘢,右手更唔得閒,沿途行去攞車,他不是輕掃唐文龍肉背,就是搭住對方膊頭,親密到呢。

老豆是已故一代功夫大師劉家良胞弟劉家榮,自小習洪拳的劉永健九六年加入大台,雖然外表高大又有功夫底,不過發展平平。

「其實 Michael真係 care劉永健,早排佢同洪天明、曹永廉一齊開 online shop賣嘢,都叫啲兄弟預埋劉永健一份。」知情者說。

唐文龍跟洪天明老友,早前由他出面拉攏劉永健加入一班朋友搞的網店,齊做老闆。

劉永健跟當年電波少女之一的姚樂怡合作過電視劇《十月初五的月光》,之後傳過緋聞。

N年前,唐文龍在無綫跟鍾嘉欣、楊思琦和陳浩民等合作拍劇,三人都已經升級做了父母,只有他仍是單身。

唐文龍近年出席活動,都著緊身衫晒大胸,硬騷一副好 body。

剛返內地發展,做過電影監製的劉永健,曾經搵傅穎做女主角,更有傳他力追過女方。

出身於武術世家的劉永健,老豆劉家榮是洪拳高手(前左二),而數年前病逝的伯父劉家良(前右一)是一代功夫導演。

愛女期

收收埋埋的唐文龍,甚少公開戀情,一身肌肉的他專吼細細粒及身材豐滿類型,圈內圈外不拘。

94年 陳少霞

拍拖六年,當年有相士批二人八字唔夾,拍拖會影響事業運,結果在 99年分手,再見亦是朋友。

00年初 佘詩曼

與張智霖、佘詩曼合作大台劇《十月初五的月光》,爆出唐文龍力追阿佘,但神女無心,反而跟 Chilam傳緋聞,唐文龍吞佘失敗。

00年中關心妍

初入行的關心妍( Jade)在 K局認識了唐文龍,女方主動埋身並火速撻着,試過被影到在觀塘區著情侶裝拖手。拍拖半年後,有指 Jade提出分手。

04年 空姐女友

與空姐女友於大角咀海帆軒同居,拍拖兩年半後分手。

14年 羅子喬

44歲唐文龍約 DaDa(陳靜)的 34F師妹羅子喬( Bella)去圓方睇戲,被記者撞破立即彈開,女方則傻笑任影。

估你唔到唱歌出身

94年入行的唐文龍,於圈內浮沉 22年,最令人印象深刻的是 00年大台劇集《十月初五的月光》演金勝一角。但唔講唔知,原來唐文龍是參加 94年的新秀歌唱比賽入行,先做歌手再做演員。

出過唱片

94年,出同名專輯《唐文龍》, 95年及 96年在台灣出過三隻國語唱片。

打過郭富城

96年,與郭富城合作電影《浪漫風暴》,飾演拳賽對手,二人有不少對打戲份。

幫佐治古尼開車門

12年唐文龍進軍荷李活,與型佬佐治古尼( George Clooney)拍 Benz廣告,替對方開車門,雖然得三秒戲份,但就係型。

同奇洛食飯

13年,荷李活男星奇洛李維斯首次自導自演電影《太極俠》,唐文龍獲奇洛親自試鏡,成功獲情報科探員一角。及後劇組來港宣傳,奇洛更相約唐文龍吃飯。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...