網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月25日 星期四

楊受成細仔當街咀王宗堯舊菜 男神祝福:佢哋前緣未了 [壹週刊 - 1381] __,王宗堯,宗堯,楊受成,M1,

見Christy扁嘴唔高興,楊政龍肉緊咀面氹女友,她隨即笑番。探熱針楊受成細仔當街咀王宗堯舊菜 男神祝福:佢哋前緣未了今年5月,男神王宗堯宣布跟拍拖不足一年的model女友黎紀君(Christy)分手,堅稱冇第三者介入的他,一個月後已拖住三級女星蔡潔放飛機。不過Christy亦唔輸蝕,再翻撻市值150億英皇集團老闆楊受成孺仔楊政龍,二人更在街頭肉緊狂咀。對Christy跟楊政龍三年三離三合,前度王 ...


見 Christy扁嘴唔高興,楊政龍肉緊咀面氹女友,她隨即笑番。

探熱針

楊受成細仔當街咀王宗堯舊菜 男神祝福:佢哋前緣未了

今年 5月,男神王宗堯宣布跟拍拖不足一年的 model女友黎紀君( Christy)分手,堅稱冇第三者介入的他,一個月後已拖住三級女星蔡潔放飛機。不過 Christy亦唔輸蝕,再翻撻市值 150億英皇集團老闆楊受成孺仔楊政龍,二人更在街頭肉緊狂咀。對 Christy跟楊政龍三年三離三合,前度王宗堯毫不意外:佢哋前緣未了。

三離三合

王宗堯跟蔡潔傳出戀情後,前度黎紀君大方送上祝褔,更不避嫌出席男神孭飛的電影《導火新聞線》首映禮。

事實上,王宗堯曾經公開示愛,指 Christy是自己最錫的人,會好好照顧她,可惜,前度的心另有所屬。據了解,即使撻着王宗堯,但 Christy對舊愛楊政龍,一直未死心。

「肯定 Christy好鍾意 Alex(楊政龍),佢哋分開翻撻又再分開,同王宗堯之前,已經離合兩次,今次係第三次。不過, Alex實在太多女埋身,好似(楊)秀惠,就算有個拍咗幾年拖嘅男朋友,一樣對 Alex嗒糖;有段時間佢哋都行得好埋,試過開工前有幾個鐘空檔,佢都特登揸車,山長水遠去 Alex淺水灣屋企。」知情者說。

玩完後,楊政龍上午十一點,送 Christy到跑馬地搵的士。

Christy上的士後,楊政龍隨即揸戰車走人。

王宗堯跟 Christy分手後,她又跟楊政龍翻撻,王宗堯指二人是前緣未了。

超級筍盤

身為富二代接班人,楊政龍一向得老豆楊受成看重,在美國大學畢業後,回港便一直在英皇集團幫手,由低做起,到現時成為第二把交椅,負責地產及金融部門,只有三十歲的他,絕對是城中超級筍盤。

「雖然老豆有錢,不過 Alex絕對唔係淨係識玩唔做嘢嗰隻,佢會準時返工開會,唔食煙,亦唔會經常飲到醉晒,出去玩亦好有節制,一班朋友飲到 high晒,佢都可以保持清醒,唔會亂嚟。」知情者說。

被捧為百億王國接班人,楊受成經常帶住楊政龍出席公開活動。

去年,楊秀惠放工揸車去淺水灣男方屋企大宅見面前,本刊拍到二人先相約在 Pulse商場集合。

一年多前,楊政龍跟 Christy第二次翻撻,跟一班朋友在大牌檔吃飯。

楊政龍鍾意水上活動,倪晨曦(後中)跟韓模蔡恩真(後左一)以及苟芸慧都是遊艇鐵腳。

當街肉緊咀

雖然已經第三度翻撻,但二人依然好有 feel,早前本刊便發現著住街坊裝的楊政龍,揸住三條 7戰車,載女友到跑馬地轉的士,只見 Christy扁晒嘴唔捨得上車,嗲到男友肉緊咀了她幾次,才乖乖走人。

Christy跟有米楊政龍再而三翻撻,被指與三級星蔡潔極速同居的王宗堯,週日晚與女友在尖沙咀食飯時,對於前度的感情狀況,謹慎回應。

週日,王宗堯跟素顏蔡潔在港威商場一間餐廳吃飯,他謹慎回應前度拍拖一事。

拍拖兩個月,二人 po浴室照,被指火速同居。

王宗堯新戲首映,分手後的 Christy跟連詩雅等好姊妹齊齊捧場。

唔會葡萄

「 er… er…好似大概聽過,都唔會心酸,佢係個好女仔,會祝福佢哋。(傳聞係楊政龍介入令你哋分手!)應該唔係,我哋都分咗手幾個月。

「(知唔知佢哋離合過多次?)略略知佢同楊政龍拍過拖,其實同邊個拍拖都唔重要,佢哋喺番埋一齊,我諗係佢哋嘅情愫,前緣未了,所以先會又喺番埋。」王宗堯說。

王宗堯孖女友飯後離開餐廳,大方祝福前度新戀情。

最近新戲宣傳活動,有愛情滋潤的蔡潔全程四萬咁口。

蔡潔第一部電影《香港仔》被提名最佳新人,她在戲中更有全裸演出。

Christy年紀跟王宗堯相差 15年,不過未分手時,二人均表示沒有代溝。

見過家長

至於新歡蔡潔,男神自言二人有相同理念。

「我哋好傾得埋,又有共同嗜好,大家都鍾意電影、睇波,同埋我做嘅嘢,佢都好 support。」

拍拖冇耐,雙方已經見家長。「佢同我屋企人食過飯,屋企人不嬲好 friendly,佢啲屋企人唔喺香港,所以我未有機會見佢哋。」王宗堯說。

Amber由梁詠琪發掘,不過她撻着楊政龍後無心戀戰, 13年,本刊拍到她坐男方戰車周圍去。

王宗堯在《壹獄壹世界》亦試過全裸演出。

百億王國接班人

被楊受成欽點為 150億王國接班人的楊政龍,除了一班富二代圈子朋友,身邊更不乏名模、乜姐物姐之類的靚女, 05年由美國回港後,這個筍盤爭奪戰,未停過。

倪晨曦

Ig女神倪晨曦, 12年開始跟楊政龍傳出拍拖,二人不單被發現同遊外地,倪晨曦更經常上男方遊艇出海。

名模 Amber

13年,被梁詠琪力捧、來自上海有 5呎 11吋高的名模 Amber(胥力文)跟楊政龍撻着,因為顧住拍拖, Amber最後被安排返回上海發展。

姜麗文

14年,秦沛女姜麗文被拍到跟楊政龍出海滑水,以及孖住行街食飯。

楊秀惠

15年,本身已有個拍拖多年男友的楊秀惠,騎牛搵馬,遇上筍盤楊政龍即心形眼主動出擊,甚至送上門,到男方淺水灣大宅密會。

撰文、攝影、攝錄:娛樂組


鍾意就快D Share啦!