網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月25日 星期四

城城爆肌玩雜技 紅館史上最貴 [壹週刊 - 1381] __,城城,郭富城,M1,

為咗呢一身肌肉,城城要戒打邊爐之餘,連豉油都唔食得,咖啡每日都由六杯減到只可飲一杯。娛樂偵訊城城爆肌玩雜技 紅館史上最貴號稱紅館史上最昂貴,製作費高達五千萬,一連十五場的《郭富城舞林密碼》演唱會,今個星期日(八月二十一日)正式開鑼,叫得「舞台王者」,城城當然唔會揸流攤,單係個變形金剛智能舞台,已經超震撼!一向愛挑戰高難度的城城,今次更十足雜技團高手一樣,玩埋人肉風火輪同空中飛人。玩到咁盡,其他人要 ...


為咗呢一身肌肉,城城要戒打邊爐之餘,連豉油都唔食得,咖啡每日都由六杯減到只可飲一杯。

娛樂偵訊

城城爆肌玩雜技 紅館史上最貴

號稱紅館史上最昂貴,製作費高達五千萬,一連十五場的《郭富城舞林密碼》演唱會,今個星期日(八月二十一日)正式開鑼,叫得「舞台王者」,城城當然唔會揸流攤,單係個變形金剛智能舞台,已經超震撼!一向愛挑戰高難度的城城,今次更十足雜技團高手一樣,玩埋人肉風火輪同空中飛人。玩到咁盡,其他人要做演唱會點算好吖!

驚險演出

城城開演唱會好似做雜技團一樣。喺巨輪上做出連串驚險高難度動作,又連人帶輪三百六十度車輪轉,全程零安全措施,這個人肉風火輪,百分百賣命演出。

唔夠喉!壓軸仲有空中飛人,吊起到兩層樓高 fing來 fing去,相當驚險刺激。

喺冇任何安全措施下,城城玩人肉風火輪,又企到高位唱歌,完全唔腳軟。

勇於挑戰高難度的城城,連空中飛人都做埋。

城城玩埋 moverboard(懸浮滑板),喺台上飄嚟飄去。

爆肌誘惑

城城開騷前兩個月已經閉關做準備,謝絕一切應酬,連晚晚都可以要嘅火鍋都冇食過,只為保持最 fit身形,加上每日排舞十五個鐘,返到屋企仲要 keep住健身。

付出有回報!城城一除衫,胸肌腹肌人魚線全部爆出,睇到全場觀眾不停尖叫。

城城以「美猴王」造型唱《就是孫悟空》。

變形金剛舞台

入行邁向廿六年的城城,每次開演唱會都唔會孤寒,舞台肯肯定落重本,令觀眾覺得抵睇到爛!今次,更加破晒紅館紀錄,整個演唱會製作費高達五千萬,貴絕全港!

先了解一下王者個舞台,有四個超巨型升降組件,可以升到上十米高,仲可以同時旋轉兼變形,整個舞台都用上 LCD,做出變化多端效果,城城更會將這個空前嘅舞台設計,申請入健力士。

《寒戰》警務處長造型,加埋《唱這歌》經典金雞獨立 pose,型到爆。

城城呢套衫係 Dolce& Gabbana,而頭頂嘅帽套上銀箍裝飾就來自 Rinaldy A Yunardi。

呢個舞台可以升到十米高外,仲可以同時旋轉,再加埋動畫特技,終於知道五千萬製作費,貴喺邊度。

想成家立室

從來唔主動提感情事嘅城城,今次破例喺台上話希望成家立室,有自己小朋友;不過首場並未發現女友方媛出現,城城坦言女友因工作睇唔到頭場。

「女朋友一定會嚟嘅!佢有祝我 good show,過幾日等佢冇咁忙,都會飛嚟睇我。」城城說。

完騷後,城城依然風騷,向記者狂騷閃閃指甲,仲破例講女友 Moka。

台面裝了幾千部 LCD電路板,紅館的電力都負荷唔到,要另外租用發電車。

撰文、攝影、攝錄:娛樂組


鍾意就快D Share啦!