歷年收禮唔少 呂麗君身家估計過13億
「大劉」劉鑾雄一生紅顏知己無數，但大劉喺01年及02年分別邂逅咗呂麗君及甘比之後，就冇再傳過緋聞。喺今個星期初，《蘋果》率先報道呂麗君同大劉原來已經分手一年多，大女秀盈同細仔子鋒交由呂麗君照顧，生活費都由大劉負擔。
呢間白加道獨立屋佔地超過3,300平方呎，仲連有3,000多呎嘅花園同私人泳池，呎價高達12萬6,500，排喺全港最貴洋房第二位，現時市值大約係4.8億。
呂麗君現時亦持有位於中半山嘅雅賓利大廈單位，市值約9,000萬。而香港以外嘅物業，就有佢同大劉共同持有嘅英國6層高大宅，估計市值約係4.2億。
以上3幢物業加起嚟，呂麗君身家已經接近10億，再睇番歷史，佢喺蝕42萬之下賣出黃埔花園車位，但又賣出擎天半島連車位賺番220萬。加上大劉送過兩架共值1.5億嘅遊艇畀呂麗君同秀盈、又送過2.54億嘅藍鑽「The Zoe Diamond」、6,508萬嘅紅寶石「Zoe Red」。所以就算呂麗君同大劉分手之後，保守估計一家人仍然有超過13億身家。
來源 source: http://hkm.appledaily.com
|
鍾意就快D Share啦！
|
|
|