掃呢頁CODE去手機

2016年8月18日 星期四

港姐 20強脫腳 索美淇操靚副偈入行 [壹週刊 - 1380] 鄺美淇 鄺美淇,港姐,M1

有「升cup陳凱琳」之稱的Maggie鄺美淇,上繩做空中瑜伽前先拉筋熱身。探熱針港姐20強脫腳 索美淇操靚副偈入行有才子陶傑推介,被指是今年港姐,有大熱「升cup陳凱琳」之稱的候選佳麗鄺美淇(Maggie),面試階段已經變成風頭躉,可惜過唔到港姐門檻,搞到唔少巴打話要罷睇港姐。冇入圍,但有意入娛樂圈發展的最索Maggie,除咗讀書叻,仲多才多藝,就連天王郭富城和洗米仔周柏豪都爭住like,掂啦!有 ...


有「升cup陳凱琳」之稱的Maggie鄺美淇,上繩做空中瑜伽前先拉筋熱身。探熱針港姐20強脫腳 索美淇操靚副偈入行有才子陶傑推介,被指是今年港姐,有大熱「升cup陳凱琳」之稱的候選佳麗鄺美淇(Maggie),面試階段已經變成風頭躉,可惜過唔到港姐門檻,搞到唔少巴打話要罷睇港姐。冇入圍,但有意入娛樂圈發展的最索Maggie,除咗讀書叻,仲多才多藝,就連天王郭富城和洗米仔周柏豪都爭住like,掂有 ...


有「升 cup陳凱琳」之稱的 Maggie鄺美淇,上繩做空中瑜伽前先拉筋熱身。

探熱針

港姐 20強脫腳 索美淇操靚副偈入行

有才子陶傑推介,被指是今年港姐,有大熱「升 cup陳凱琳」之稱的候選佳麗鄺美淇( Maggie),面試階段已經變成風頭躉,可惜過唔到港姐門檻,搞到唔少巴打話要罷睇港姐。

冇入圍,但有意入娛樂圈發展的最索 Maggie,除咗讀書叻,仲多才多藝,就連天王郭富城和洗米仔周柏豪都爭住 like,掂

有後台都要 out

來自加拿大,今年二十二歲的 Maggie鄺美淇,畢業於 Ivey Business School At Western University,有學識有靚樣,仲唱得兩嘴。

「我同妹妹 Maisie有時間都會錄吓啲 cover放上 YouTube,俾啲朋友聽,我哋最鍾意唱嗰首歌係《童話》!」 Maggie說。對於入閘前脫腳, Maggie承認有失望。

「其實真係好多謝大家支持,知道自己入唔到圍,都有少少失望,但覺得屋企人同身邊朋友,反應仲比我大,尤其我個提名人,佢都係藝人,又做過選美評判,我好細個已經跟呢個 auntie去做義工,我入唔到圍,可能最失望係佢。」

Maggie不願公開提名人身份,但直言有機會的話,會靠對方幫手搭路入娛圈發展。

有指 Maggie衰在生得細粒,加上表現唔夠穩定,令她即使有人撐,一樣於事無補。

「我有睇番啲報導,有啲人覺得我好瘦,但其實我平均都有九十五磅,以香港嘅 standard都 OK嘅!至於話我喺講嘢方面唔叻,我係加拿大土生土長,半年前先返嚟香港,啲中文都唔係幾熟,我已經好盡力!」

有學識又自信的 Maggie,曾獲才子陶傑盛讚。

宣布港姐 20強當日, Maggie知道被 out,一度表現錯愕,但好快便平復心情。

全新手,但 Maggie好快上手。

城城洗米仔爭 like

不過, Maggie未有就此卻步,為有更 fit身形,她跟同樣選過港姐的空中瑜伽導師 Karen林芷嘉學瑜伽,雖然第一次上繩,但 Maggie好快上手,可以同 Karen一齊擺出雙人動作!

輸在起跑線,但 Maggie卻有本事令郭富城、洗米仔周柏豪關注她的 instagram。

「只係 follow,大家都唔識,我知郭富城係四大天王,都好 surprise!好開心佢 follow我,如果有機會,都想同佢影番幅相!

「至於周柏豪係我細妹英國啲朋友,我見過一次,但唔係好熟!」 Maggie說。

天王城城同洗米仔周柏豪都爭住 like Maggie ig。

為令自己有更 fit身形,有意入娛樂圈的 Maggie,跟空中瑜伽教練 Karen上堂,操靚副偈。

Maggie間中會喺 ig晒吓長腿同三點式,堅索㗎!

同導師 Karen齊齊在吊繩上擺出雙人動作,有板有眼。

Maggie的妹妹 Maisie(右)同樣是靚女,兩姊妹有時間仲會錄吓 cover放上 YouTube。

現年 22歲的 Maggie,是 16年 Ivey Business School At Western University畢業生。

場地提供: Wing's International Academy of Aerial Yoga

Makeup and Hair: Circle Chong@Annie G.Chan

撰文、攝影、攝錄:娛樂組


鍾意就快D Share啦!