王寶強呢個，大家一聽到都會聯想到「綠帽」兩個字，因為佢老婆馬蓉同佢經理人宋喆有不正當兩性關係，所以要離婚，而一班網民仲好熱心咁做神探，搵到啲蛛絲馬跡，懷疑宋喆同馬蓉喺好耐之前已經有關係，而寶強嘅「綠帽」係戴咗好耐，而今日，網民就搵嚟大台2010年嘅劇集《讀心神探》一段戲，加埋王寶強嘅一張相，再次推斷宋喆同馬蓉嘅關係。是咁的，喺《讀心神探》入面，林保怡飾演一個擅長於觀察微表情嘅神探，其中一段戲係講人 ...
王寶強呢個，大家一聽到都會聯想到「綠帽」兩個字，因為佢老婆馬蓉同佢經理人宋喆有不正當兩性關係，所以要離婚，而一班網民仲好熱心咁做神探，搵到啲蛛絲馬跡，懷疑宋喆同馬蓉喺好耐之前已經有關係，而寶強嘅「綠帽」係戴咗好耐，而今日，網民就搵嚟大台2010年嘅劇集《讀心神探》一段戲，加埋王寶強嘅一張相，再次推斷宋喆同馬蓉嘅關係。是咁的，喺《讀心神探》入面，林保怡飾演一個擅長於觀察微表情嘅神探，其中一段戲係講人同人之間嘅距離，同埋腳點企，係可以睇得出邊個同邊個有親密關係。喺2015年10月，馬蓉就貼咗一張相，係佢同王寶強、宋喆、楊慧一齊影，喺張相入面，馬蓉交叉腳企，重心偏向宋喆嗰一邊，而網民就張張相key咗喺《讀心神探》一段戲入面，發現毫無遺和感。嗰段戲林保兒怡係咁講嘅：「Edward Hall所講嘅最後一段距離，就係Intimate distance親密距離，係由45cm到零距離，就會係親人、好熟嘅朋友、情侶同夫妻，先會出現呢種情況。」喺相中馬蓉喺王寶強同宋喆中間，同兩個男人都係零距離，但呢個只係第一個重點。第二重點，林保怡再話：「我哋對腳比我哋身體任何一個部份誠實，人喺正常情況下，會雙腳企直，用嚟保持平衡，但交叉腳咁企，係表示你身邊有一個人你好信賴，你覺得好自在、好安全，先會咁企。」馬蓉相中又真係交叉腳咁企喎，咁王寶強同宋喆邊個令佢覺得好自在、好安全呢？
