掃呢頁CODE去手機

2016年8月22日 星期一

【37年再聚】 《碧水寒山奪命金》班底再聚 鍾楚紅、劉松仁冇老過 __,劉松仁,鍾楚紅,

37年前,杜琪峯第一部獨立執導嘅古裝武俠電影《碧水寒山奪命金》,獨具慧眼,搵咗當年喺港姐選美中,得梗頸四嘅鍾楚紅,拍處女電影。戲中紅姑拍住飾演劍客嘅劉松仁,青春無敵,個樣仲夠晒pure。37年過去,一班《碧》戲嘅台前幕後,包括導演杜琪峰、劉松仁、鍾楚紅、劉江等演員一齊聚餐,56歲嘅紅姑同66歲嘅劉松仁再度合體。凍齡紅姑靚就唔使講,一颦一笑依然迷死人,至於劉松仁,狀態亦好fit,真係無論點睇,都唔似 ...




其他影片:>>






37年前,杜琪峯第一部獨立執導嘅古裝武俠電影《碧水寒山奪命金》,獨具慧眼,搵咗當年喺港姐選美中,得梗頸四嘅鍾楚紅,拍處女電影。戲中紅姑拍住飾演劍客嘅劉松仁,青春無敵,個樣仲夠晒pure。37年過去,一班《碧》戲嘅台前幕後,包括導演杜琪峰、劉松仁、鍾楚紅、劉江等演員一齊聚餐,56歲嘅紅姑同66歲嘅劉松仁再度合體。凍齡紅姑靚就唔使講,一颦一笑依然迷死人,至於劉松仁,狀態亦好fit,真係無論點睇,都唔似呢個年紀囉!而今次聚餐其實係由松哥劉松仁發起,當晚食飯,大家有講有笑一齊話當年。難得老朋友聚舊,紅姑回應《蘋果》時就話難能可貴:「呢次飯局係松哥line up嘅,因為有幾個移民咗嘅幕後返咗嚟,《碧》戲係自己第一套戲,以前自己好細個,拍戲又NG,多得劇組包容同照顧,但估唔到30幾年後,佢哋依然當我係細路女咁照顧。嗰晚編劇仲同我講,話第一次見我好深刻,因為我嗰時聽住cassette(錄音帶)行入嚟!」而劉松仁亦透過WhatsApp回應:「係reunion(重聚),咁齊整,真係好難得,好感動!咁啱大家都有時間,杜琪峯請食大餐,大家都好開心。」

(新浪微博圖片) 紅姑話呢餐飯係松哥發起。(新浪微博圖片) 兩個都仲嗒得杯落! (新浪微博圖片)
邊似56同66? (新浪微博圖片) 杜sir今晚請食飯!(新浪微博圖片) (新浪微博圖片)
《碧水寒山奪命金》已經係杜sir 37年前嘅作品。 《碧水寒山奪命金》係紅姑第一套處女電影。 劉江同紅姑
好pure! 留鬚松哥型到呢!

鍾意就快D Share啦!