掃呢頁CODE去手機

2016年8月17日 星期三

【婚變第4日】偷食23歲小三? 出軌妻友人爆王寶強扮窮 __,王寶強,小三,

大陸演員王寶強同老婆馬蓉婚變第4日,女方身邊知情人士就爆王寶強先係出軌嗰個,更疑公開王寶強同小三嘅對話,又指王寶強帳戶明明有錢,仲借錢打官司疑故意打「同情牌」。據《騰訊》專訪馬蓉身邊友人稱王寶強今年5月喺印度拍《大鬧天竺》,曾有一個劉姓女子去探班,劇組都知對方係王寶強女友,對方係成都某餐廳嘅老闆,現年23歲,馬蓉係透過王寶強現任經理人任曉妍告知此事,試過偷偷約會,據知馬蓉早喺8月11號同小朋友返家 ...




其他影片:>>






大陸演員王寶強同老婆馬蓉婚變第4日,女方身邊知情人士就爆王寶強先係出軌嗰個,更疑公開王寶強同小三嘅對話,又指王寶強帳戶明明有錢,仲借錢打官司疑故意打「同情牌」。據《騰訊》專訪馬蓉身邊友人稱王寶強今年5月喺印度拍《大鬧天竺》,曾有一個劉姓女子去探班,劇組都知對方係王寶強女友,對方係成都某餐廳嘅老闆,現年23歲,馬蓉係透過王寶強現任經理人任曉妍告知此事,試過偷偷約會,據知馬蓉早喺8月11號同小朋友返家,翌日王寶強仍一夜未歸,14號就突然發離婚聲明,令馬蓉相當震驚。另今年8月5號馬蓉生日時,王寶強卻同劉女一齊睇戲。知情者稱馬蓉係2012年王寶強工作室成立先識宋喆,選宋喆做經理人亦係王寶強嘅決定,又指王寶強帳戶明明有190萬人民幣,卻借錢交訴訟費,疑扮冇錢搏取同情,不過王寶強友人回應表「王寶強(上海)影視文化工作室」嘅帳戶及密碼都係馬蓉設嘅,「王寶強這邊並不知情,這事就是假的」,仲證實王寶強曾喺律師陪同下,前往多個銀行親自查看銀行帳戶,卻發現名下金額不足,只剩10幾萬人民幣,如財產遭侵佔,則涉及刑事問題。此外,雖然馬蓉知情者指出軌唔係馬蓉,之但係網民搵到七個月前,馬蓉同宋喆去一家裝修設計公司,疑商討裝修有意共築愛巢,而且二人微博亦關注過裝修相關嘅專頁。


鍾意就快D Share啦!