掃呢頁CODE去手機

2016年8月23日 星期二

【動畫.獨家有片】同囝囝行孖咇睇戲 44歲童愛玲努力造人追多個 __,童愛玲,

台灣姑娘童愛玲(Eileen),03年嫁畀台灣富商王敦民,第二年生咗囝囝王子毅(Kyle),唔經唔覺,Kyle今年已經12歲,由於細個已經勤打籃球,正值青春期嘅Kyle,身高拍得住媽咪。雖然囝囝大個仔,不過童愛玲至今去到邊,都會帶住Kyle,兩母子成日俾人影到行孖咇。噚日中午12點半,有讀者陳小姐透過《蘋果》「爆相爆片」,喺中環IFC影到童愛玲又同囝囝孖實去睇戲。陳小姐喺電話中講:「佢哋喺戲院出面 ...




其他影片:>>






台灣姑娘童愛玲(Eileen),03年嫁畀台灣富商王敦民,第二年生咗囝囝王子毅(Kyle),唔經唔覺,Kyle今年已經12歲,由於細個已經勤打籃球,正值青春期嘅Kyle,身高拍得住媽咪。雖然囝囝大個仔,不過童愛玲至今去到邊,都會帶住Kyle,兩母子成日俾人影到行孖咇。噚日中午12點半,有讀者陳小姐透過《蘋果》「爆相爆片」,喺中環IFC影到童愛玲又同囝囝孖實去睇戲。陳小姐喺電話中講:「佢哋喺戲院出面研究睇邊套戲,兩個有商有量,戴住太陽眼鏡嘅童愛玲,全程同個仔用英文溝通,身形同個樣仲keep得好好,行過嘅OL,都忍唔住擰轉頭望佢兩眼!」Model出身嘅童愛玲,5呎9吋高䠷身形,44吋長腿,曾經係90代女神。雖然佢今年已經44歲,但早年淡出娛圈,家陣樂做少奶奶,賺錢純碎花戴,身形樣貌自然keep得好。噚日佢同囝囝睇戲,只係化咗淡妝,着咗條魚網白色one piece裙,依然散發陣陣星味,難怪吸引途人目光。囝囝Kyle已經12歲,但原來童愛玲至今同老公都仲努力緊造人。佢之前就話:「仍然會努力造人,因為囝囝想要個細佬囉,可以陪佢玩嘛!」你話做媽媽幾咁偉大!

童愛玲同囝囝Kyle噚日喺中環IFC睇戲,戴住黑超嘅童愛玲,雖然一早淡出娛圈,但依然散發陣陣星味! 着住白色魚網one piece裙嘅童愛玲,身形樣都係仲咁sharp。
生咗Kyle後,童愛玲去到邊都帶住囝囝。 做咗人妻嘅童愛玲,間中會出席公開活動,賺吓零用錢,亦keep住曝光。 44歲嘅童愛玲,原來到o依家都仲想造人生多個。

鍾意就快D Share啦!