掃呢頁CODE去手機

2016年8月10日 星期三

【動畫】【獨家】50歲前無綫花旦梁珮玲 苦撐助行架舉步維艱 __,無綫,

80後的觀眾,對曾經係無綫力捧嘅梁珮玲,應該有點印象——87年,當時仲叫梁珮玲嘅佢,參加無綫《超級新星大賽》摘「女超級新星」冠軍,與「男超級新星」冠軍、即名模陳沛嘉嘅前夫彭文堅拍咗部《書劍恩仇錄》,彭演陳家洛,梁演香香公主,同屬新人嘅羅慧娟就做霍青桐。其後梁珮玲轉戰影壇,簽約杜琪峯旗下,成為杜Sir嘅愛將,99年拍過《真心英雄》,00年拍罷《孤男寡女》便淡出娛圈。02年,梁珮玲信奉基督教之後,又改 ...




其他影片:>>






80後的觀眾,對曾經係無綫力捧嘅梁珮玲,應該有點印象——87年,當時仲叫梁珮玲嘅佢,參加無綫《超級新星大賽》摘「女超級新星」冠軍,與「男超級新星」冠軍、即名模陳沛嘉嘅前夫彭文堅拍咗部《書劍恩仇錄》,彭演陳家洛,梁演香香公主,同屬新人嘅羅慧娟就做霍青桐。其後梁珮玲轉戰影壇,簽約杜琪峯旗下,成為杜Sir嘅愛將,99年拍過《真心英雄》,00年拍罷《孤男寡女》便淡出娛圈。02年,梁珮玲信奉基督教之後,又改名梁藝齡,一直為基督教團體侍奉。至06年,梁藝齡應影音使團之邀請拍攝特輯《地球深度行》,於澳洲遇上嚴重交通意外,要進入ICU接受觀察同治療,幸未有生命危險。之後梁藝齡亦鮮有露面。日前下午約五時許,讀者汪小姐卻於荃灣南豐中心見到梁藝齡,當時佢用助行架行路,好辛苦咁樣。汪小姐話:「當陣時我見佢身邊重有一個肥肥地嘅男人同個人喺身邊,重有一個女人傍住,估計係佢屋企人,佢行得好慢,我行出去買本雜誌,行返番嚟佢都係行咗幾步,行得好慢好慢。」汪小姐稱,當時梁藝齡面色蒼白,勉力撐著助行架,舉步維艱。南豐中心途人如鯽,梁藝齡行得更慢。該處有不少醫生開診及物理治療師,未知梁藝齡是否求診,亦未知為何受傷。《蘋果》即致電梁藝齡慰問,她笑笑口說:「行樓梯叉錯腳啫,冇乜大礙。」問佢整親邊隻腳,佢話:「整親左腳。如果話今日見到我,應該係去睇物理治療啫。冇乜嘢㗎!唔使擔心!」咁腳傷而家點?佢就話:「冇乜嘢啦,都係普通扭傷之嘛,都要時間好㗎」

讀者汪小姐提供 讀者汪小姐提供 87年《書劍恩仇錄》香香公主
彭文堅在《書劍》中劣評如評,演藝生涯未開始已告終。 樣子鬼鬼地的梁珮玲 當年拍無綫電視電影《霓虹姊妹花》,梁珮玲演出令人刮目相看。
《真心英雄》 06年,梁藝齡應影音使團之邀請拍攝特輯《地球深度行》,於澳洲遇上嚴重交通意外,要進入ICU接受觀察同治療,幸未有生命危險。 留院一星期,梁藝齡返港開記招交代傷勢。

鍾意就快D Share啦!