今年踏正50歲嘅關秀媚，曾經係90年代性感女神，當年嘅「晶女郎」風騷惹火，但自從06年淡出娛樂圈後，關秀媚已經足足10年，絕跡娛樂圈。俾男友李尚文私有化多年嘅關秀媚，間中會拖住男友去聽佛經，得閒又約朋友high tea，生活優哉悠哉。噚日下晝4點半，零化妝嘅關秀媚，再同男友李尚文出動，坐住男友架白色波子到數碼港海濱公園散步，一落車，關秀媚即煙癮起，率先點咗枝煙，邊吸邊大搖大擺行入公園範圍。二人散完一輪步，就坐喺公園旁嘅長櫈上，呢個時候，關秀媚食完第一枝煙就捽熄煙頭，轉手擲入草叢中（嗱！小朋友千祈唔好學，亂拋垃圾係唔啱），再點起第二枝煙。最初兩人只係有一句冇一句咁閒聊，但傾到中段，關秀媚情緒變得激動，同坐喺側邊嘅李尚文，指手劃腳舌戰一輪。激辯足足10分鐘，李尚文忽然踎咗喺女友面前密斟幾句，關秀媚先再露歡顏。雖然關秀媚全程幾乎煙駁煙，不過保養皮膚依然做到足，當佢坐喺長櫈時，忽然喺袋入面拎枝按摩捧出嚟，起勢碌眼。不過由於佢着條裙實在太短，加上坐姿豪邁，搞到數度走光，現場其實有唔少家長帶住小朋友散步，亦有人認得佢，不過關秀媚一於少理，邊吞雲吐霧，邊享受眼前無限風光！
| 攝影：畢紹基、吳耀輝 |  噚日下晝4點半，零化妝嘅關秀媚同男友李尚文去到數碼港海濱公園散步。 |  |
 關秀媚一落車就開始扯煙，入公園都照扯。 |  佢仲煙駁煙，食完嘅煙頭亂咁扔係唔啱o架！ |  坐低繼續扯。 |
 又再亂扔煙頭。 |  |  關秀媚忽然喺袋入面拎枝按摩捧出嚟，起勢碌眼。 |
 關秀媚突然好有手尾扔按摩捧個盒入垃圾筒。 |  關秀媚曾經係90年代性感女神。 |  |
 |
來源 source: http://hk.apple.nextmedia.com
|
鍾意就快D Share啦！
|
|
|
