掃呢頁CODE去手機

2016年8月22日 星期一

王君馨捱足9年 冇錢交租教友收留接濟 __,君馨,王君馨,

王君馨為角色又跳又打又晒靚背,人氣急升,劇迷真係要高呼一句Amazing Grace!
王君馨捱足9年冇錢交租教友收留接濟王君馨在無綫熱播劇《城寨英雄》表現搶眼,獲網民盛讚睇得又打得,不少觀眾慨嘆她入行九年至今才「彈起」。她曾因只得幾千蚊人工難應付香港高昂租金:「真係諗過我係咪要瞓街!」之後更要寄住他人屋企。現在有此成績,可謂苦盡甘來。王君馨為角色又跳又打又晒靚背,人氣急升,劇迷真係要高呼一句AmazingGrace!藝人王君馨(Grace)憑《城》劇「花曼」一角備受讚賞,前晚播出的 ...


王君馨捱足9年 冇錢交租教友收留接濟

王君馨在無綫熱播劇《城寨英雄》表現搶眼,獲網民盛讚睇得又打得,不少觀眾慨嘆她入行九年至今才「彈起」。她曾因只得幾千蚊人工難應付香港高昂租金:「真係諗過我係咪要瞓街!」之後更要寄住他人屋企。現在有此成績,可謂苦盡甘來。

藝人王君馨(Grace)憑《城》劇「花曼」一角備受讚賞,前晚播出的一集,她以超激罕性感裸背上陣,露出白滑靚背,極度吸睛,加上身穿谷胸束衣及吊帶襪大跳艷舞,趷籮、腿張開等噴血招式令劇迷暈晒大浪!昨日她在將軍澳出席《城寨英雄》之「比武招親擂台」活動後,現身附近商場,期間被不少途人秒速認出,不斷叫喊其劇中角色「花曼」,更上前集郵,極受歡迎。曾為劇集練出20.5吋終極纖腰的她,亦終可趁機大解放喪食雪糕,過足口癮。

Grace演技獲網民盛讚「睇得又打得」,更有人留言「點解佢捱咁耐先彈起」。原來Grace最初的演藝路亦與其角色「花曼」一樣坎坷,雖然4歲移民美國紐約的她出身富貴,父親經營壽山石生意,石仔細細卻可賣過千萬,但她2007年回港參選港姐並奪亞軍後,便拋低千金小姐身份,毅然留港發展。曾以為銀色旅途順風順水的她,最初就只靠港姐合約不足一萬元的人工支撐生活,但香港寸金尺土,當時其屋租就已達萬二元,她說:「真係諗過我係咪要瞓街!」即使現在開始彈起,與無綫簽包薪合約的她,月薪亦大約只有萬餘元。

捕獲「花曼」街坊爭集郵
  • 捕獲「花曼」街坊爭集郵
  • 放大圖片
  • 放大圖片

演技被嘲搞到抑鬱

入行九年,面對過低潮,Grace坦言想過放棄:「曾經有人話我演技好浮誇,嗰時好想返美國,但簽咗約唔可以一走了之,所以搞到有抑鬱同暴食症。」幸好友趙希洛和周家蔚帶她返教會,令她重新建立自信:「做戲都冇咁誇、踏實番。」她又表示認識到一位教友,後來更成為其契媽:「佢喺我最困難時收留我,畀我喺佢度住,解決我一切經濟問題。」但遺憾的是對方已與世長辭,令她未可及時報答對方。

問Grace有否想過以性感演出勇闖影壇,她指性感演出只限於角色需要:「即使拍電影都係,角色有需要先會露,而今次露背已經係我底線。(拍嗰時心情忐忑?)拍之前都有祈禱,要準備好先衝破到心理關口。」問到如何練出終極纖腰,她坦言戴足腰封近三個月:「綁繩綁得好緊,但又要有節制,唔係內臟會變形。」

露完腰即吔叉燒飯

而於昨日的活動中,Grace憶述拍露背戲的情形:「前面包咗塊布,但後面真係冇着,咩脂肪都睇到,尋晚見到都覺得仲有少少肉地。」問腰圍有否反彈,她笑認有:「拍完我食咗兩個叉燒飯!」至於會否再操番20.5吋終極纖腰,她笑言有需要時會考慮:「最極限嚟!12歲未發育時都有21吋!」另外,她在社交網上載數張治療肩頸的相片,她透露打功夫打上癮,但因沒有好好拉筋,練後兩日開始見痛,但已漸康復。

文:影視組


鍾意就快D Share啦!