用手護肚，又重咗2KG，似有消息喎！
前亞視高層盛品儒早前陪太太蔡一鳳到美國和日本旅行兼慶祝一鳳的舊曆生日，度假數星期叉足電返港後，便收拾心情重新投入工作，到自家品牌珠寶店打點。明日（10日）正日生日的蔡一鳳，表示去年收過老公送了一個大溪地旅行做禮物，有朋友更到她的珠寶店購買她設計的耳環做禮物，令她大為感動。
「出年就有好消息！」
問到會否叫盛品儒今年也有樣學樣到珠寶店買珠寶送驚喜？她說：「建議老公唔好去我珠寶店買珠寶，買粒大鑽石畀我自己設計仲好，到佢年尾12月生日，我承諾送個BB畀佢，仲有幾個月，趕得切，依家佢日日游水做運動，準備好！（咁有信心，會唔會美國已經造人成功？）有可能，唔知！（有冇進補？）奶奶教咗工人日日燉冬蟲草同鵪鶉畀老公飲，我都有飲，我都肥咗2KG，我會努力，出年就有好消息！」
希望老公生生性性
而生日願望，她就希望老公生生性性，事業有成。提到盛品儒近年全情投入做遊戲機生意，在泰國已成功上架，並陸續進軍日本、印尼、台灣和香港市場，她坦言過去兩年狂燒錢，但對老公充滿信心，她說：「佢話每個成功男人屋企都有個好老婆，叫我少啲投訴，第日就有福享喎！我係門外漢，冇參與，但見佢好努力，每日返深圳開會，今次去日本都試玩當地嘅VR遊戲，半工半私，遊戲機呢行好特別，一直燒錢，但成功嘅話就可以好勁，佢目標係上市。」
來源 source: http://hk.on.cc
|
鍾意就快D Share啦！
|
|
|