掃呢頁CODE去手機

2016年8月26日 星期五

《城寨英雄》:【洋蔥】朝霞親撰給哥哥及刁蘭的信 __,城寨英雄,

朝霞仲好關心哥哥拳佬同刁蘭。無綫劇《城寨英雄》Hit到冇人有,同人哋講冇睇過嘅話,可能會畀人笑𠻹!啱啱嗰集,講到「朝霞」王君馨慘死,網民個個睇到喊晒口,陸永囡囡仲一路睇一路喊𠻹!《城》啱啱播完25號嗰集,君馨即時朝霞上身,仲寫咗封「朝霞給哥哥的信」,仲@埋劇中哥哥「拳佬」陳展鵬𠻹!封信寫住:「哥!好開心咁多年後都可以見番你!喺我哋相認呢段日子裏面好感受到你對我嘅照顧同愛。希望你唔好為咗我報仇,好似 ...


朝霞仲好關心哥哥拳佬同刁蘭。

無綫劇《城寨英雄》Hit到冇人有,同人哋講冇睇過嘅話,可能會畀人笑𠻹!啱啱嗰集,講到「朝霞」王君馨慘死,網民個個睇到喊晒口,陸永囡囡仲一路睇一路喊𠻹!

《城》啱啱播完25號嗰集,君馨即時朝霞上身,仲寫咗封「朝霞給哥哥的信」,仲@埋劇中哥哥「拳佬」陳展鵬𠻹!封信寫住:「哥!好開心咁多年後都可以見番你!喺我哋相認呢段日子裏面好感受到你對我嘅照顧同愛。希望你唔好為咗我報仇,好似我為阿爸阿媽咁,冇咗自己嘅人生。記住要好好照顧三姨婆,得閒買多啲茶粿畀佢食!」

花曼都好關心拳佬嘅愛情,佢話:「刁蘭真係一個好好嘅女仔,值得你一生一世保護同愛錫她!我代你原諒咗佢啦,聽阿妹話,快啲同刁蘭結婚,等三姨婆可以飲番杯新抱茶!仲有,你原諒阿風啦,佢屋企人唔喺度,一時間接受唔到先會做咗一個錯嘅決定。你係佢唯一嘅好朋友,你要體諒佢,照顧佢,搵番個好女仔畀佢,等佢唔使一個人孤零零。我唔喺度,你記住唔好再咁百厭,要繼續開開心心生活落去!」

隔咗冇耐,「朝霞」仲未捨得走,再寫咗封「朝霞給刁蘭的信」,同樣都係Tag劇中「阿嫂」嘅胡定欣,信嘅內容同上一樣都係猛烈感人加催淚:「刁蘭,我可以叫你阿嫂嗎?你應該都唔會拒絕嘅。雖然我地相識嘅日子唔長,但我睇得出,你係一個有情有義嘅人,好照顧身邊需要幫忙嘅人,而且對阿哥一心一意,希望你可以幫我好好照顧佢。雖然佢有時有些小朋友脾氣,做嘢又衝動,唔經大腦。但佢好顧家架!係出邊賺嘅錢全部都會畀晒你,好好保護你,等你可以無後顧之憂。快啲同阿哥生番幾個小朋友畀三姨婆玩,祝你們可以永遠幸福咁生活落去!」

朝霞真係好有心呀,睇完呢封信,小編都想喊呀!


來源 source: http://hk.on.cc
鍾意就快D Share啦!