張耀揚有份投資嘅賭廳喺澳門進行剪綵儀式，獲星級好友力撐。
影星張耀揚移居澳門後，從電影人轉型做生意人，早前更與幾位志同道合的好友投資開設賭廳，並於新開張的酒店「永利皇宮」進行剪綵儀式。張耀揚邀得一眾圈中好友兼車友包括黃德斌、吳廷燁、王合喜、陳寶轅、何啟南、吳毅將等撐場，正忙拍電視劇的吳廷燁與何啟南更是特別向劇組告假出席活動，笑言要現身支持車友會好兄弟。
談到被指「失蹤」幾年，張耀揚表示：「我都唔想失蹤，早幾年有腰患，好痛，10級痛有8級！要長期臥床，當時真係生不如死，曾經有過衝動做傻事，好彩做手術將痛楚減低。嚟到澳門發展都係因緣際會，原本係計劃休養，結果落地生根，做埋生意。（再拍戲？）唔排除呢個機會，應該冇乜人諗起我啦，咁耐冇拍戲！」張耀揚除了生意起飛外、更締結了良緣，現正與女友淼淼交往中，問到會否考慮結婚？他表示：「結婚呢樣嘢唔講得笑，老婆對我嚟講係一座城堡，要再諗吓先。」
來源 source: http://hk.on.cc
|
鍾意就快D Share啦！
|
|
|